Клеменс Брэнтана

Клеменс Брэнтана (ням.: Clemens Brentano; 9 верасня 1778, Эрэнбрайтштайн — 28 ліпеня 1842, Ашафенбург) — нямецкі паэт-рамантык, навеліст і драматург, найбуйнейшы прадстаўнік гейдэльбергскага кола рамантыкаў. Абапіраючыся на народнапесенную творчасць, ён значным чынам удасканаліў нямецкі верш і вызначыў надалей развіццё рамантычнай паэзіі ў Германія^[6]. Лірыка К. Брэнтана, зрабіла пераварот у нямецкай паэзіі, паўплывала на творчасць іншых рамантыкаў, асабліва Г. Гейнэ.

Клеменс Брэнтана
Clemens Brentano
Асабістыя звесткі
Імя пры нараджэнні	Клеменс Брэнтана дэ ла Рош
Дата нараджэння	8 верасня 1778(1778-09-08)[1][2][…]
Месца нараджэння	Эрэнбрайтштайн[d], Кобленц, Рэйнланд-Пфальц[3]
Дата смерці	28 ліпеня 1842(1842-07-28)[1][4][…] (63 гады)
Месца смерці	Ашафенбург, Ніжняя Франконія, Каралеўства Баварыя[5]
Пахаванне	Ашафенбург
Грамадзянства	Каралеўства Прусія
Бацька	Peter Anton Brentano[d]
Маці	Maximiliane Brentano[d]
Жонка	Sophie Mereau[d] і Auguste Bußmann[d]
Дзеці	Magdalena Maria Brentano[d]
Альма-матар	Гале-Вітэнбергскі ўніверсітэт Бонскі ўніверсітэт
Месца працы	Марбургскі ўніверсітэт
Прафесійная дзейнасць
Род дзейнасці	пісьменнік, паэт
Кірунак	рамантызм
Мова твораў	нямецкая
Подпіс
Медыяфайлы на Вікісховішчы

Творчасць

Літаратурную дзейнасць пачаў пад уплывам Людвіга Ціка. Адыход ад тэматыкі і стылю іенскіх рамантыкаў назіраецца ў рамане «Годві» (1801), камедыі «Понсе дэ Леон» (1804).

Увёў у нямецкую паэзію тэму любоўных пакут, непадуладнага чалавеку ірацыянальнага пачуцця. Найбольшую вядомасць набылі вершы т. зв. рэйнскага цыкла: «Плывец у лодцы», «Вясёлыя музыканты», «Рыбак сядзеў у лодцы» і інш. Верш «Ларэлея» сам нарадзіў народнае паданне, стаў сімвалам рамантычнага мастацтва і натхніў многіх еўрапейскіх паэтаў. З 1810-х г. у творчасці К. Брэнтана ўзмацніліся рэлігійныя пошукі, што адбілася ў духоўных вершах, навелах «Гісторыя сумленнага Касперла і прыгажуні Анерль», «Тры арэхі», «З летапісу вандроўнага шкаляра», у лірычнай драме «Заснаванне Прагі» (1815).

Аўтар сатырычных казак («Казка пра Гокеля і Гінкель» і інш.), оперных лібрэта. Разам з Людвігам Ахімам фон Арнімам выдаў трохтомны зборнік фальклору «Чароўны рог хлопчыка» (па-нямецку: Des Knaben Wunderhorn, 1806—08), які аказаў вялікі ўплыў на працэс фармавання нямецкай паэзіі.

Comödien (1852)

Яго ўплыў зазналі Генрых Гейнэ, Іозеф фон Айхендорф, Жэрар дэ Нерваль, Гіём Апалінер і іншыя еўрапейскія аўтары, якія стваралі адмысловыя варыяцыі на сюжэт брэнтанаўскай балады «Ларэлей» пра рэйнскую прыгажуню, што вабіла юнакоў і губіла іх насуперак сваёй волі, а сама пакутвала без узаемнага кахання.

Беларускія пераклады

Шэраг вершаў Клеменса Брэнтана пераклаў на беларускую мову Уладзімір Папковіч^[7].

Зноскі

1. Брентано, Клеменс // Энциклопедический словарь / под ред. И. Е. Андреевский — СПб.: Брокгауз — Ефрон, 1891. — Т. IVа. — С. 648.

   <a href='https://wikidata.org/wiki/Track:Q602358'></a><a href='https://wikidata.org/wiki/Track:Q4065721'></a><a href='https://wikidata.org/wiki/Track:Q24354586'></a><a href='https://wikidata.org/wiki/Track:Q19908137'></a><a href='https://wikidata.org/wiki/Track:Q23892899'></a>
2. Clemens Brentano

   <a href='https://wikidata.org/wiki/Track:Q17299517'></a>
3. Brentano, Klemens // Encyclopædia Britannica: a dictionary of arts, sciences, literature and general information / H. Chisholm — 11 — New York, Cambridge, England: University Press, 1911. — Vol. 4. — P. 496.

   <a href='https://wikidata.org/wiki/Track:Q867541'></a><a href='https://wikidata.org/wiki/Track:Q84646011'></a><a href='https://wikidata.org/wiki/Track:Q5607942'></a>
4. Hettner H. Brentano, Clemens // Allgemeine Deutsche Biographie — L: 1876. — Т. 3. — S. 310–313.

   <a href='https://wikidata.org/wiki/Track:Q76145'></a><a href='https://wikidata.org/wiki/Track:Q27562802'></a><a href='https://wikidata.org/wiki/Track:Q2079'></a><a href='https://wikidata.org/wiki/Track:Q14565651'></a><a href='https://wikidata.org/wiki/Track:Q590208'></a>
5. Deutsche Nationalbibliothek Record #118515055 // Агульны нарматыўны кантроль — 2012—2016. Праверана 30 снежня 2014.

   <a href='https://wikidata.org/wiki/Track:Q27302'></a><a href='https://wikidata.org/wiki/Track:Q36578'></a>
6. Святлана Малюковіч. «Блакітную кветку шукаю…»: Рамантычная лірыка паэтаў Германіі // Роднае слова. — 1999. — № 2. — С. 34—36.
7. Галасы з-за небакраю: анталогія паэзіі свету ў беларускіх перакладах ХХ ст. Склад. М. Скобла. — Мн.: Лімарыус 2008. — 896 с.