Колін Фёрт

Колін Эндру Фёрт, CBE (англ.: Colin Andrew Firth; 10 верасня 1960, Грэйшот, Хэмпшыр) — брытанскі акцёр тэатра, кіно і тэлебачання. Лаўрэат прэмій «Оскар», «Залаты глобус» і BAFTA у намінацыі «Найлепшая мужчынская роля» за фільм «Прамова караля».

Колін Фёрт
Colin Firth
Дата нараджэння	10 верасня 1960(1960-09-10)[1][2][…] (64 гады)
Месца нараджэння	Грэйшот, Хэмпшыр, Вялікабрытанія
Грамадзянства	Вялікабрытанія
Жонка	Livia Giuggioli[d][3]
Дзеці	Will Firth[d]
Адукацыя	Каралеўская кансерваторыя Шатландыі Kings' School[d] Barton Peveril Sixth Form College[d] Драматычны цэнтр Лондана[d]
Прафесія	акцёр
Узнагароды	BAFTA (2010, 2011) «Залаты глобус» (2011) «Оскар» (2011) Кавалер ордэна Брытанскай імперыі
IMDb	ID 0000147
Медыяфайлы на Вікісховішчы

Біяграфія

У 1984 годзе ён зняўся ў тэлевізійным фільме «Дама з камеліямі» з удзелам Грэты Скакі і Бена Кінгслі. У 1989 ён зняўся ў галоўнай ролі ў фільме Мілаша Формана «Вальмон», экранізацыі эпісталярнага рамана «Небяспечныя сувязі» П’ера Амбруаза Франсуа Шадэрло дэ Лакло.

У шасцісерыйным тэлевізійным фільме вытворчасці BBC «Пыха і перадузятасць» па матывах аднайменнага рамана Джэйн Осцін Фёрт сыграў галоўную мужчынскую ролю — містэра Дарсі. Персанажа з такім жа імем ён сыграў у сучасным фільме пра пыху і перадузятасць — «Дзённіку Брыджыт Джонс».

Колін Фёрт жыве ў Італіі і Лондане. У 1997 г. ён жаніўся на Лівіі Гіджыёлі — італьянскім рэжысёры-дакументалісце, у іх двое сыноў. У Фёрта ёсць старэйшы сын Уіл ад актрысы Мэг Цілі, які пражывае са сваёй маці ў Канадзе і ЗША. У Коліна Фёрта ёсць сястра Кейт і малодшы брат Джонатан, які таксама стаў акцёрам.

Колін Фёрт з жонкай Лівіяй

За ўдзел у рэжысёрскім дэбюце Тома Форда «Самотны мужчына» Колін Фёрт быў удастоены прыза Венецыянскага кінафестывалю за найлепшую мужчынскую ролю і прэмію BAFTA як найлепшы акцёр. Быў намінаваны на суісканне прэміі «Оскар» за найлепшую мужчынскую ролю 2009 года, але прайграў у канчатковым выніку Джэфу Брыджэсу.

З 2002 года Фёрт з’яўляецца паслом арганізацыі, якая аказвае дапамогу краінам у стадыі развіцця «Oxfam». 1 снежня 2007 года, Колін Фёрт з жонкай Лівіяй адкрыў у Лондане магазін экалагічных тавараў ECO-AGE^[4].

У чацвер 13 студзеня 2011 года на Алеі славы ў Галівудзе была адкрыта «зорка» з яго імем^[5], а 16 студзеня Фёрт стаў лаўрэатам прэміі «Залаты глобус» у намінацыі «Найлепшы драматычны акцёр» за ролю ў фільме «Прамова караля». За гэту кінапрацу ён ужо атрымаў мноства ўзнагарод, а 18 студзеня Брытанская кінаакадэмія назвала яго імя ў ліку намінантаў на прэмію BAFTA у катэгорыі «Найлепшы акцёр»^[6], і 13 лютага ён, як і ў папярэднім годзе, атрымаў узнагароду BAFTA за найлепшую мужчынскую ролю^[7]. 27 лютага 2011 года стаў лаўрэатам прэміі «Оскар» у намінацыі «Найлепшы акцёр»^[8].

У красавіку 2011 года Колін Фёрт быў уключаны ў спіс 100 найбольш уплывовых людзей свету па версіі часопіса «Time».^[9]

Пасля ён з’явіўся ў вобразе агента MI6 Біла Хэйдана ў фільме «Шпіён, выйдзі вон!», а таксама выканаў ролю сакрэтнага агента Гары Харта ў фільме «Кінгсман: Сакрэтная служба» (2014). Праз некалькі год зняўся ў працягу фільма «Кінгсман: Залаты пярсцёнак» (2017). У 2018 годзе Фёрт зняўся ў музычным фэнтэзійным фільме «Мэры Попінс вяртаецца», а ў наступным годзе зняўся ў ваенным фільме «1917», які атрымаў прэмію «Залаты глобус» як найлепшы драматычны фільм. Фільмы Фёрта сабралі больш за 3 мільярды долараў па ўсім свеце^[10]. У 2011 годзе ён атрымаў зорку на Галівудскай алеі славы, а таксама быў абраны адным з самых уплывовых людзей паводле версіі газеты Time^[11].

Цікавыя факты

• Колін Фёрт тройчы працаваў з акцёрам Томасам Сангстэрам у фільмах: «Любоў насамрэч» (у гэтым фільме на здымачнай пляцоўцы яны не сустракаліся), «Мая жудасная няня», «Апошні легіён».
• Фёрт піша мастацкую прозу. Яго першае апавяданне — «Кіраванне нічым» (англ.: The Department of Nothing).

Асабістае жыццё

У 1989 годзе Фёрт пачаў сустракацца з Мег Цілі, сваёй партнёркай па фільме Вальмон. У 1990 годзе ў іх з'явіўся сын, Уільям Джозеф Фёрт. Колін і цяпер падтрымлівае сувязь са сваім сынам і з астатнімі дзецьмі Цілі, для якіх ён з'яўляўся айчымам. У 1994 годзе, пасля разрыву з Цілі, у Фёрта пачаліся адносіны з партнёркай па фільме «Пыха і перадузятасць», Джэніфер Эль. Іх раман доўжыўся год. Цяпер Колін Фёрт жанаты на Лівіі Джыўджыёлі, італьянскім прадзюсары і рэжысёры. У іх двое сыноў, Лука і Матэа.

Фільмаграфія

Год		Беларуская назва	Арыгінальная назва	Роля
2003	ф	Любоў насамрэч	Love Actually	Джэймі

Узнагароды

• 1998 — Прэмія Гільдыі кінаакцёраў ЗША за найлепшы акцёрскі склад у ігравым кіно — «Закаханы Шэкспір»
• 2001 — Еўрапейская кінапрэмія — прыз глядацкіх сімпатый найлепшаму еўрапейскаму акцёру — «Дзённік Брыджыт Джонс»
• 2009 — Прэмія BAFTA за найлепшую мужчынскую ролю — «Самотны мужчына»
• 2009 — Кубак Вальпі за найлепшую мужчынскую ролю — «Самотны мужчына»
• 2010 — Прэмія «Оскар» за найлепшую мужчынскую ролю — «Прамова караля»
• 2010 — Прэмія «Залаты глобус» за найлепшую мужчынскую ролю — драма — «Прамова караля»
• 2010 — Прэмія BAFTA за найлепшую мужчынскую ролю — «Прамова караля»
• 2010 — Прэмія брытанскага незалежнага кіно за найлепшую мужчынскую ролю — «Прамова караля»
• 2010 — Прэмія Гільдыі кінаакцёраў ЗША за найлепшую мужчынскую ролю — «Прамова караля»
• 2010 — Прэмія Гільдыі кінаакцёраў ЗША за найлепшы акцёрскі склад у ігравым кіно — «Прамова караля»
• 2011 — Еўрапейская кінапрэмія найлепшаму еўрапейскаму акцёру — «Прамова караля»

Намінацыі

• 1988 — Прэмія BAFTA у вобласці тэлебачання за найлепшую мужчынскую ролю — «Падзенне»
• 1995 — Прэмія BAFTA у вобласці тэлебачання за найлепшую мужчынскую ролю — «Пыха і перадузятасць»
• 1996 — Прэмія Гільдыі кінаакцёраў ЗША за найлепшы акцёрскі склад у ігравым кіно — «Англійскі пацыент»
• 2001 — Прэмія BAFTA за найлепшую мужчынскую ролю другога плану — «Дзённік Брыджыт Джонс»
• 2001 — Прэмія «Спадарожнік» за найлепшую мужчынскую ролю другога плану — камедыя ці мюзікл — «Дзённік Брыджыт Джонс»
• 2001 — Прайм-тайм прэмія «Эмі» за найлепшую мужчынскую ролю другога плану — мінісерыял ці кінастужка — «Змова»
• 2001 — Прэмія «Спадарожнік» за найлепшую мужчынскую ролю другога плану — серыял, мінісерыял ці тэлевізійны фільм — «Змова»
• 2003 — Еўрапейская кінапрэмія — прыз глядацкіх сімпатый найлепшаму еўрапейскаму акцёру — «Дзяўчына з жамчужнай завушніцай»
• 2007 — Прэмія брытанскага незалежнага кіно за найлепшую мужчынскую ролю другога плану — «Калі ты ў апошні раз бачыў свайго бацьку?»
• 2009 — Прэмія «Оскар» за найлепшую мужчынскую ролю — «Самотны мужчына»
• 2009 — Прэмія «Залаты глобус» за найлепшую мужчынскую ролю — драма — «Самотны мужчына»
• 2009 — Прэмія «Спадарожнік» за найлепшую мужчынскую ролю — драма — «Самотны мужчына»
• 2009 — Прэмія Гільдыі кінаакцёраў ЗША за найлепшую мужчынскую ролю — «Самотны мужчына»