Кондар (лятальны апарат)

Кондар — беларускі беспілотны лятальны апарат, распрацаваны ААТ «Авіярамонтны завод 558» для адпрацоўкі і вядзення аперацый у сферы РЭБ^[1].

Кондар
Тып	беспілотны лятальны апарат
Вытворца	558-ы авіяцыйны рамонтны завод
Эксплуатанты	Беларусь
Варыянты	Кондар-1 (Т), Кондар-2 (Р)
Медыяфайлы на Вікісховішчы

Гісторыя

Упершыню шырокай публіцы дрон прадстаўлены на міжнароднай авіякасмічнай і ваенна-марской выставе «LIMA 2017» у Малайзіі^[1].

Характарыстыкі

Размах крыла беспілотніка — шэсць метраў, даўжыня — чатыры метры. Крэйсерская хуткасць палёту на вышыні 2,4 км — 110 км/г. Апарат можа знаходзіцца ў паветры да трох гадзін^[2].

Варыяцыі

• Кондар-1 (таксама Кондар-Т^[3]) прызначаны для трэніроўкі баявых разлікаў СПА. Абсталяваны апаратурай «Вега-Т», якая дазваляе імітаваць крылатую ракету, знішчальнік, бамбардзіроўшчык і паветраны камандны пункт. У складзе знаходзіцца блок апрацоўкі сігналаў, блок DRFM, узмацняльнік магутнасці, перадаючая і прыёмная антэны^[4].
• Кондар-2 (таксама Кондар-Р^[3]) прызначаны для вылічэння каардынатаў размяшчэння ЗРК на мясцовасці і яго тэхнічных характарыстык. Абсталяваны апаратурай «Вега-Р», якая дазваляе імітаваць аб’екты тыпу знішчальнік і бамбардзіроўшчык. Склад такі ж, што і ў выраба «1»^[4].

Эксплуатанты

•  Беларусь
  • Узброеныя сілы^[3]

Зноскі

1. Белорусские беспилотники научились имитировать боевую авиацию // ВПК.name, 18 октября 2018
2. Беларусь представила ударные и разведывательные беспилотники на авиасалоне МАКС-2021 // ПраймПресс, 21 июля 2021.
3. Дмитрий Козлов. ОБЗОР РАБОТ ОАО "558 АВИАЦИОННЫЙ РЕМОНТНЫЙ ЗАВОД" ПО БЕСПИЛОТНОЙ ТЕМАТИКЕ // ООО «АвиаПорт» : официальный сайт. — 15 июня 2018.
4. БПЛА Кондор Архівавана 19 ліпеня 2022. // Государственный военно-промышленный комитет Республики Беларусь : официальный сайт. — 1 февраля 2016 года.