Коўра вялікая

Коўра вялікая, паганка вялікая, чомга (Podiceps cristatus) — вадаплаўная птушка атрада паганкападобных.

Коўра вялікая
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Пазваночныя Інфратып:  Сківічнаротыя Надклас:  Чацвераногія Клас:  Птушкі Падклас:  Нованёбныя Атрад:  Паганкападобныя (Podicipediformes) Сямейства:  Паганкавыя Род:  Podiceps Від:  Коўра вялікая
Міжнародная навуковая назва
Podiceps cristatus (Linnaeus, 1758)
Арэал
Ахоўны статус
Выклікаюць найменшыя асцярогі IUCN 3.1 Least Concern : / 22696602
Сістэматыка на Віківідах Выявы на Вікісховішчы ITIS   174491 NCBI   345573 EOL   45513833 FW   372487

Апісанне

Даўжыня цела 46—61 см, размах крылаў 81—90 см. Маса 1—1,2 кг. Самцы большыя за самак.

Спіна буравата-чорная, брушка белае, бакі ржава-рыжыя. У гнездавым апярэнні 2 чубы і ржавыя «бакенбарды», у зімовым апярэнні чубы слаба вызначаныя, «бакенбарды» знікаюць. Над вокам белая палоска, белы бок галавы, чырванаватая дзюба. Маладыя птушкі да канца лета маюць на спіне і баках галавы цёмныя, падоўжныя палоскі. У палёце доўгая, тонкая шыя з вялікай галавой, зверху на цёмных крылах белае люстэрка і трохвугольная белая пляма. Голас гучны, хрыплаваты.

Добра плавае і нырае, узлятае з разбегу. Палёт хуткі.

Пашырэнне

Насяляе вадаёмы са стаячай вадой за выключэннем вельмі малых па плошчы азёр і сажалак.

Арэал разарваны: Еўропа без паўночна-ўсходняй, заходняй і паўночнай Скандынавіі, праз Расію, Малую Азію і краіны Блізкага Усходу да Карэйскага паўвострава; паўночны захад Афрыкі і на поўдзень ад Сахары, паўднёва-ўсходняя Аўстралія, Новая Зеландыя і Тасманія. Пералётны від, у Афрыцы і Аўстраліі аселы. Месца зімовак: Заходняя і Паўднёвая Еўропа, Паўднёвая і Усходняя Азія (узбярэжжа Кітая, Японія). На Беларусі звычайны на гнездаванні пералётны, транзітна мігрыруючы і ў невялікай колькасці зімуючы від.

Асаблівасці біялогіі

Корміцца дробнай рыбай, воднымі ракападобнымі, малюскамі. Заглынае пёры, якія выконваюць ролю гастралітаў.

Па́ра ў шлюбны перыяд

У шлюбны перыяд птушкі плаваюць парамі, адначасова ныраюць за воднымі раслінамі.

Гняздо — плывучая недалёка ад краю трыснягу вільготная куча з гніючых водных раслін. Можа гняздзіцца ў калоніях.

Яйкі (3-5) з аднолькавазавостранымі канцамі, белыя; памеры: 53 х 36 мм.

Падвіды

Podiceps cristatus infuscatus у Паўднёвай Афрыцы

• Р. c. cristatus — Еўропа і Цэнтральная Азія да Манголіі і Карэі;
• P. c. infuscatus — лакальна ва ўсходняй, паўднёвай і заходне-цэнтральнай частках Афрыкі;
• P. c. australis — паўднёвая Аўстралія, Тасманія, паўднёвая частка Новай Зеландыі.

Літаратура

• Птушкі Еўропы: Палявы вызначальнік / пад рэд. М. Нікіфарава. — Варшава: Навуковае выдавецтва ПНВ, 2000.