Красамай (возера)

Красамай — возера ў Шумілінскім раёне Віцебскай вобласці Беларусі ў басейне ракі Обаль, за 30 км у напрамку на паўночны ўсход ад гарадскога пасёлка Шуміліна, прыкладна за 4 км на захад ад вусця ракі Свіна́^[2] і на паўночны захад ад вёскі Казьяны, на тэрыторыі ландшафтнага заказніка «Казьянскі»^[3].

Красамай
Морфаметрыя
Даўжыня	0,78 км
Шырыня	0,55 км
Плошча	0,32 км²
Даўжыня берагавой лініі	каля 2,5 км
Найбольшая глыбіня	больш за 2[1] м
Басейн
Выцякаюць	Красамай
Размяшчэнне
Краіна	Беларусь
Рэгіён	Віцебская вобласць
Красамай
Красамай

У паняцця ёсць і іншыя значэнні, гл. Красамай.

Плошча паверхні возера 0,32^[2] км². Даўжыня 0,78 км, найбольшая шырыня 0,55 км, даўжыня берагавой лініі каля 2,5 км^[4]. Катлавіна возера размешчана сярод забалочанага масіву і акружана шырокай балоцістай поймай з мноствам дробных азёр. Берагавая лінія звілістая. Берагі нізкія, пераважна тарфяністыя, забалочаныя^[4]. Надводнай расліннасцю зарастае ўмерана, падводнай — амаль цалкам. У паўночна-заходняй частцы ў Красамай упадае Жукаўская канава з азёраў Летняе і Жужнева^[1][4]. На поўначы ўпадае ручай Працяг, які працякае праз ланцужок невялікіх азёраў без назвы^[1][4]. У паўднёвай частцы ў Красамай упадаюць Верыжская канава і ручай Рэчыца з азёраў Мошня і Данец^[1][4]. Сцёк па ручаю Красамай у раку Свіна.

У возеры водзяцца шчупак звычайны, акунь, карась, плотка, лінь і іншыя віды рыб. У наваколлі сустракаюцца гняздоўі рэдкіх відаў птушак (чорны бусел, вялікі арлец, вялікі бугай), занесеных у Чырвоную кнігу Рэспублікі Беларусь^[4].

Зноскі

1. Ліст карты N-35-23. Выданне 1987 г. Стан мясцовасці на 1986 г. (руск.)
2. Постановление Министерства сельского хозяйства и продовольствия Республики Беларусь 18 июня 2014 г. № 29 «О Республиканской комплексной схеме размещения рыболовных угодий» Архівавана 17 красавіка 2018. (руск.)
3. Сайт Шумілінскага райвыканкама Архівавана 4 сакавіка 2016. (руск.)
4. Інфармацыя на сайце antfish.com Архівавана 4 сакавіка 2016. (руск.)