Кратовыя

У паняцця ёсць і іншыя значэнні, гл. Краты.

У паняцця ёсць і іншыя значэнні, гл. Крот (значэнні).

Кратовыя, краты (Talpidae) — сямейства млекакормячых атраду Землярыйкападобныя (Soricomorpha).

Кратовыя
Крот еўрапейскі (Talpa europaea)
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Пазваночныя Інфратып:  Сківічнаротыя Надклас:  Чацвераногія Клас:  Млекакормячыя Падклас:  Звяры Інфраклас:  Плацэнтарныя Атрад:  Землярыйкападобныя Сямейства:  Кратовыя
Міжнародная навуковая назва
Talpidae Fischer-Waldheim, 1817
Сістэматыка на Віківідах Выявы на Вікісховішчы ITIS   179962 NCBI   9373 EOL   8715 FW   40398

Апісанне

Падзяляецца на 14 родаў, 31 від. Формы: наземныя бегаючыя, падземнарыючыя (большасць відаў) і паўводныя плаваючыя. Тулава выцягнутае, валькаватае, канечнасці ўкарочаныя, прыстасаваяыя для рыцця, плавання. На пальцах доўгія пляскатыя кіпцюры. Галава невялікая, з падоўжанай канічнай мордай. Валасяное покрыва кароткае, густое, мяккае, пераважна чорнае або чорна-бурае. Лінька тройчы за год. Вочы маленькія, у некаторых відаў закрытыя скурай. Вушных ракавін няма. Нюх і дотык добра развітыя.

Пашырэнне

Пашыраны ў Еўразіі, Паўночнай Амерыцы. Крот еўрапейскі жыве на ўмерана вільгагных лугах, палях, агародах, парках, лясах у глебе на глыбіні 5 — 60 см. Гнездавыя камеры — на глыбіні да 1,5 м. Характэрны сезонныя міграцыі з аднаго біятопу ў другі. На Беларусі трапляецца паўднёварускі падвід крата еўрапейскага.

Асаблівасці біялогіі

Кормяцца лічынкамі насякомых, дажджавымі чарвямі.

Размнажаюцца 1 раз за год, прыплод пераважна 3 — 7 дзіцянят.

Промысел

Аб’ект промыслу (шкуркі).

Літаратура

• Самусенка Э. Краты // Беларуская энцыклапедыя: У 18 т. Т. 9: Кулібін — Малаіта / Рэдкал.: Г. П. Пашкоў і інш. — Мн. : БелЭн, 1999. — Т. 9. — 560 с. — 10 000 экз. — ISBN 985-11-0035-8. — ISBN 985-11-0155-9 (т. 9).