Крыніца Святы ключ (Мхінічы)

Святы ключ — крыніца ва ўрочышчы Мхінічы Краснапольскага раёна Магілёўскай вобласці. Таксама вядомая пад назвай Крыніца Іаана Хрысціцеля.

Крыніца
Святы ключ (Іаана Хрысціцеля)
Агульны выгляд крыніцы
53°11′46,56″ пн. ш. 31°20′35,88″ у. д.HGЯO
Краіна	Беларусь
Урочышча Мхінічы, Краснапольскі раён, Магілёўская вобласць	каля былой вёскі Мхінічы
Медыяфайлы на Вікісховішчы

Апісанне

Размешчана за 2 км на паўднёвы захад ад вёскі Пабеда, за 100 метраў на поўдзень ад моста цераз раку Каўпіта^[1].

Легенда

Паводле мясцовага падання, Бог кінуў на зямлю тры камяні. Самы вялікі ўпаў у вёсцы Кліны, дзе стала біць Блакітная крыніца, а меншыя — у вёсках Горы і Мхінічы, дзе таксама з’явіліся крыніцы^[1][2].

Сучасны стан

Раней побач з крыніцай стаяла царква. Пасля катастрофы на Чарнобыльскай АЭС вёска Мхінічы была адселена, і тэрыторыя ўваходзіць у зону адчужэння, для наведвання якой патрабуецца пропуск.

У 2010-х гадах над крыніцай была ўзведзена новая драўляная капліца і купель. Вядзецца будаўніцтва храма^[1]. Адраджэнне крыніцы лічыцца заслугай іерэя храма Дзмітрыя Растоўскага^[3].

Выгляд на выхад вады, ікону «Невычэрпная чаша^[ru]» і інфармацыйныя стэнды на сцяне капліцы.

Спасылкі

• Крыніца Іаана Хрысціцеля на сайце «Родники Беларуси»