Крыштаф Шыдлавецкі

Кшыштаф Шыдлавецкі (польск.: Krzysztof Szydłowiecki; 1467, Шыдловец — 29 снежня 1532, Кракаў) — дзяржаўны дзеяч Каралеўства Польскага, падскарбі надворны каронны ў 1507—1510, кашталян сандамірскі з 1509, падканцлер каронны з 1511, канцлер вялікі каронны з 1515, староста генеральны кракаўскі з 1515, ваявода кракаўскі у 1515—1527, кашталян кракаўскі з 1527. Староста серадзскі, навакорчынскі, гастынінскі, сахачаўскі і лукаўскі^[2], граф шыдлавецкі.

Кшыштаф Шыдлавецкі
польск.: Krzysztof Szydłowiecki
Хромалітаграфія Войцеха Герсана на аснове апатаўскага прывілея працы Станіслава Самастжэльніка
Герб «Адрованж»
падканцлер каронны[d] 14 лютага 1511 — 27 лютага 1515
Папярэднік	Мацей Джавіцкі[d]
Пераемнік	Пётр Таміцкі[d]
канцлер вялікі каронны[d] 27 лютага 1515 — 30 снежня 1532
Папярэднік	Мацей Джавіцкі[d]
Пераемнік	Ян Хаенскі[d]
ваявода кракаўскі 1515 — 1527
Папярэднік	Мікалай Камянецкі[d]
Пераемнік	Анджэй Тэнчынскі[d]
кашталян кракаўскі[d] 1527 — 1532
кашталян сандамірскі[d] з 1509
генеральны староста кракаўскі[d] з 1515
Нараджэнне	1467 ці 15 лістапада 1466 Шыдловец, Гміна Шыдловец, Шыдлавецкі павет, Мазавецкае ваяводства, Польшча або Кракаў, Польскае Каралеўства
Смерць	30 снежня 1532(1532-12-30)[1] Кракаў, Польскае Каралеўства
Месца пахавання	Калегіяльная царква Святога Марціна[d]
Род	Шыдлавецкія[d]
Бацька	Станіслаў Шыдлавецкі[d]
Маці	Соф’я з Газдзікава[d]
Жонка	Сафія Таргавіцкая
Дзеці	Сафія, Альжбета, Крысціна
Медыяфайлы на Вікісховішчы

Біяграфія

Сын Станіслава і Ганны (з роду Лебедзь), брат Мікалая.

Кіраваў знешняй палітыкай Польскай дзяржавы ў перыяд кіравання Жыгімонта I Старога. Быў прыхільнікам Габсбургаў і стварэння антытурэцкай лігі. Уступіў у Ордэн Дракона і атрымаў ад імператара Максіміліяна I герб «Адрованж» і тытул графа.

У 1515 годзе сумесна з біскупам Пятром Таміцкім распрацаваў пагадненне з Габсбургамі, што прывяло да сустрэчы трох манархаў у Вене, якая адбылася ў тым жа годзе. Быў палітычным праціўнікам каралевы Боны. Ініцыятар чатырохгадовага перамір’я з Альбрэхтам Гогенцолернам, заключанага 5 красавіка 1521 года.

У 1514 годзе за 10 тысяч флорынаў набыў горад Апатаў, дзе ў касцела Святога Марціна і быў пахаваны. Скульптурнае надмагілле Кшыштафа Шыдлавецкага выканана ў майстэрні Барталамеа Берэчы пры ўдзеле Джавані Чыні і ўпрыгожана знакамітым бронзавым барэльефам.

Сярод іншых дзеячаў свайго часу намаляваны на карціне Яна Матэйкі «Прускі амаж».

Сям’я

Жонкай Крыштафа каля 1512 года стала Сафія з Таргавіска (? — 1556). Меў з ёй дачок:

• Сафію (каля 1513—1551), другую жонку вялікага кароннага гетмана Яна Амора Тарноўскага;
• Крысціну, жонку зембіцкага князя Іагана;
• Альжбету (1533—1562), жонку літоўскага канцлера Мікалая Радзівіла Чорнага.

Крыштаф быў апошнім мужчынскім прадстаўніком роду Шыдлавецкіх. Пасля яго смерці асноўныя маёнткі роду, у тым ліку і Шыдловец, праз шлюб дачкі Альжбеты перайшлі ў род Радзівілаў.

Зноскі

1. Urzędnicy centralni i nadworni Polski XIV-XVIII wieku / пад рэд. A. Gąsiorowski — Kórnik: Biblioteka Kórnicka, 1992. — С. 54. — 220 с. — ISBN 83-85213-04-X

   <a href='https://wikidata.org/wiki/Track:Q6453758'></a><a href='https://wikidata.org/wiki/Track:Q11686403'></a><a href='https://wikidata.org/wiki/Track:Q123985090'></a>
2. Urzędnicy województwa krakowskiego XVI—XVIII wieku. Spisy. / Oprac. Stanisław Cynarski i Alicja Falniowska-Gradowska. — Kórnik, 1990. — S. 97. (польск.)