Крыясфера

Крыясфера (ад стар.-грэч.: κρύος — холад і σφαῖρα - шар) — адна з геаграфічных абалонак Зямлі, якая характарызуецца наяўнасцю або магчымасцю існавання лёду.

Крыясфера размешчана ў межах цеплавога ўзаемадзеяння атмасферы, гідрасферы і літасферы. Крыясфера распасціраецца ад верхніх слаёў зямной кары да ніжніх пластоў іёнасферы.

Крыясферы ўласцівыя шматлікія крыягенныя ўтварэнні:

• сістэмы ледзяных аблокаў,
• снежны полаг,
• ледзяное покрыва вадаёмаў,
• наледзі,
• ледавікі гор,
• ледавіковыя пакровы,
• сезоннамерзлыя глебы,
• горныя пароды з падземнымі ільдамі.

Крыясфера характарызуецца адмоўнай або нулявой тэмпературай, пры якіх вада, якая змяшчаецца ў парападобным, вольным або хімічна і фізічна звязаным з іншымі кампанентамі выглядзе, можа існаваць у цвёрдай фазе (лёд, снег, іней і іншыя).

Літаратура

• Крыясфера // Беларуская энцыклапедыя: У 18 т. Т. 8: Канто — Кулі / Рэдкал.: Г. П. Пашкоў і інш. — Мн. : БелЭн, 1999. — Т. 8. — С. 531. — 10 000 экз. — ISBN 985-11-0035-8. — ISBN 985-11-0144-3 (т. 8).

Спасылкі

• Бягучы стан крыясферы (абнаўляецца штодня).