Кульшыно

Кульшыно́^[1] (трансліт.: Kuĺšyno, руск.: Кульшино) — вёска ў Вілейскім раёне Мінскай вобласці Беларусі. Уваходзіць у склад Любанскага сельсавета.

Вёска Кульшыно Краіна Беларусь Вобласць Мінская Раён Вілейскі Сельсавет Любанскі Каардынаты 54°35′18″ пн. ш. 26°50′49″ у. д.HGЯO Насельніцтва ▼59 чал. (2009) Часавы пояс UTC+3 Тэлефонны код +375 1771 Аўтамабільны код 5 Кульшыно Кульшыно Кульшыно

Гісторыя

У XVIII стагоддзі на месцы аграгарадка Любань (Вілейскі раён) знаходзілася вёска Юхавічы. У 1807 годзе шмат лесу і зямлю навакол набыў Ян Любанскі. Тут ён вырашыў пабудаваць маёнтак, для гэтага пан рассяліў Юхавічы, выкупіў ва ўладальнікаў зямлю ці прапаноўваў наўзамен сваю ў большым памеры, далей ад будучага маёнтка. Так неўзабаве з’явіліся невялікія вёскі, у тым ліку і Кульшыно. У 1866 годзе вёска ў складзе Вілейскага павета Мінскай губерні Расійскай імперыі.

З 1921 года вёска ў складзе Польскай Рэспублікі, Віленскага ваяводства, Вілейскага павета, гміны Куранец^[2].

З 1939 года ў БССР.

Насельніцтва

• 1866 год — 93 жыхары, 10 двароў^[3]
• 1921 год — 189 жыхароў, 36 двароў^[4].
• 1931 год — 204 жыхары, 39 двароў^[5].

Вядомыя асобы

• Леанід Іванавіч Бурак (1930—1996) — вучоны ў галіне мовазнаўства, доктар філалагічных навук, прафесар, заслужаны работнік адукацыі Рэспублікі Беларусь^[6].

Зноскі

1. Назвы населеных пунктаў Рэспублікі Беларусь: Мінская вобласць: нарматыўны даведнік / І. А. Гапоненка, І. Л. Капылоў, В. П. Лемцюгова і інш.; пад рэд. В. П. Лемцюговай. — Мн.: Тэхналогія, 2003. — 604 с. ISBN 985-458-054-7. (DJVU)
2. Wykaz miejscowości Rzeczypospolitej Polskiej, Warszawa 1938, wolumin — 1, s. 60.
3. Słownik geograficzny Królestwa Polskiego i innych krajów słowiańskich, Tom IV - wynik wyszukiwania - DIR (нявызн.). dir.icm.edu.pl. Праверана 22 верасня 2023.
4. Skorowidz miejscowości Rzeczypospolitej Polskiej — Tom VII — Część II — Ziemia Wileńska — Powiaty: Brasław, Duniłowicze, Brasław i Wilejka, Główny Urząd Statystyczny Rzeczypospolitej Polskiej, Warszawa 1923, s 88.
5. Wykaz miejscowości Rzeczypospolitej Polskiej, Warszawa 1938, wolumin — 1, s. 60
6. Бурак, Леанід Іванавіч (доктар філалагічных навук ; 1930—1996)(недаступная спасылка) // Нацыянальная бібліятэка Беларусі