Кірыл Уладзіміравіч Казакоў

Кірыл Уладзіміравіч Казакоў (нар. 23 жніўня 1979, Магілёў, БССР) — беларускі журналіст, аўтар больш за 50 дакументальных фільмаў і журналісцкіх расследаванняў.

Кірыл Уладзіміравіч Казакоў
Род дзейнасці	журналіст
Дата нараджэння	23 жніўня 1979(1979-08-23) (46 гадоў)
Месца нараджэння	Магілёў, Магілёўская вобласць, Беларуская ССР, СССР
Грамадзянства	Беларусь
Месца працы	СТБ
Альма-матар	МДУ імя А. А. Куляшова Акадэмія кіравання пры Прэзідэнце Рэспублікі Беларусь
Узнагароды і прэміі	Тэлевяршыня Спецыяльная прэмія Прэзідэнта Рэспублікі Беларусь дзеячам культуры і мастацтва

У Вікіпедыі ёсць артыкулы пра іншых людзей з прозвішчам Казакоў.

Біяграфія

Нарадзіўся 23 жніўня 1979 года ў горадзе Магілёў.

Скончыў гістарычны факультэт Магілёўскага дзяржаўнага ўніверсітэта імя Кулешова (1997—2003 гады), а таксама прайшоў прафесійную перападрыхтоўку ў Інстытуце дзяржаўнай службы Акадэміі кіравання пры Прэзідэнце Рэспублікі Беларусь па спецыяльнасці «Міжнародныя адносіны» (2008—2010)^[1][2].

У час вучобы ў МДУ імя Куляшова працаваў у тэлерадыёкампаніі «Магілёў» рэпарцёрам (1998—2001 гады). У 2001 годзе становіцца спецыяльным карэспандэнтам Белтэлерадыёкампаніі па Магілёўскай вобласці^[3].

У 2002 годзе пераехаў у Мінск і працаваў у Белтэлерадыёкампаніі ў праграме «Зона Х» рэпарцёрам. У 2003 узначаліў аддзел крымінальных навін Агенцтва тэленавін Першага нацыянальнага телеканала і стаў вядучым праграмы «Зона Х». Пад кіраўніцтвам Кірыла Казакова праграма стала набірать папулярнасць, і пасля стала самай рэйтынгавай праграмай на беларускім тэлебачанні (у 2003 аўдыторыя склала 209 тысяч чалавек)^[4][3][5]. У ранішніх эфірах пад кіраўніцтвам Казакова з’явілася рубрыка, дзе ў рэжыме рэальнага часу транслявалася дарожнае становішча ў горадзе — перадача стала выходзіць у прамым эфіры^[6]. У гэты ж час стварае шэраг аўтарскіх спецыяльных рэпартажаў, журналісцкіх расследаванняў і дакументальных фільмаў.

У 2011 годзе ўзначаліў спадарожнікавы телеканал «Беларусь-ТБ», які ўваходзіць у склад Белтэлерадыёкампаніі^[3].

У 2012 вярнуўся ў Агенцтва тэленавін БТРК у якасці галоўнага дырэктара структуры. Пад яго кіраўніцтвам у Агенцтве тэленавін працавала больш за 10 аддзелаў, журналісты АТН стваралі кантэнт для тэлеканалаў «Беларусь 1», «Беларусь 2», «Беларусь 3» і «Беларусь 24». У 2015 годзе стаў генеральным прадзюсарам Белтэлерадыёкампаніі. Потым — намеснікам генеральнага дырэктара Сталічнага тэлебачання^[7].

Са студзеня 2021 да лютага 2022 года займаў пасаду генеральнага дырэктара ЗАТ «Сталічнае тэлебачанне»^[8].

Работы

Аўтарскія фільмы:

• 2005 — «Карупцыя»
• 2005 — «Родам з глухамані»
• 2006 — «Была краіна. Былі грошы»
• 2007 — «Высокаактанавы саюз»
• 2007 — «Перыяд паўраспаду: Расія, Украіна, Беларусь» (цыкл фільмаў)
• 2009 — «Па-за законам. Левы гнёт»
• 2011 — «Белслед у Космасе»
• 2013 — «Лёс гігантаў» (цыкл фільмаў, 1-ы сезон)

Узнагароды

• 2005 — «Тэлевяршыня» з намінацыі «Лепшы рэпарцёр»^[9][10].
• 2006 — Спецыяльная прэмія Прэзідэнта Рэспублікі Беларусь Указ № 3 ад 04.01.2006 г.^[11]
• 2013 — Гран-пры «Тэлевяршыны» у намінацыі «Тэлевізійны праект года» за цыкл фільмаў Белтэлерадыёкампаніі «Лёс гігантаў», сааўтар^[12][13].

Зноскі

1. Олеся Ганевич. Кто по образованию ведущий программы "Зона Х"? (нявызн.) (22 лютага 2011). Архівавана з першакрыніцы 30 студзеня 2014. Праверана 3 кастрычніка 2018.
2. Кирилл Казаков | Выпускники (нявызн.). Архівавана з першакрыніцы 3 лютага 2014. Праверана 3 кастрычніка 2018.
3. Сергей Андрианов. Кирилл Казаков ушел из "Зоны Х" (нявызн.) (11 кастрычніка 2011). Архівавана з першакрыніцы 3 кастрычніка 2018. Праверана 3 кастрычніка 2018.
4. Артур Прупас. Новости государственной важности (нявызн.) (22 чэрвеня 2012). Архівавана з першакрыніцы 30 студзеня 2014. Праверана 3 кастрычніка 2018.
5. Валентин Пепеляев. "Плохие" новости будут лучше (нявызн.) (11 кастрычніка 2003). Архівавана з першакрыніцы 3 кастрычніка 2018. Праверана 3 кастрычніка 2018.
6. Проекту Первого канала «Зона Х» - 10 лет (нявызн.) (11 кастрычніка 2010). Архівавана з першакрыніцы 30 студзеня 2014. Праверана 3 кастрычніка 2018.
7. Казаков Кирилл Владимирович – заместитель генерального директора (нявызн.). Архівавана з першакрыніцы 3 кастрычніка 2018. Праверана 3 кастрычніка 2018.
8. https://blr.belta.by/president/view/u-telekanala-stb-novy-generalny-dyrektar-96077-2021/ Архівавана 31 студзеня 2021.
9. «Оскар»? «ТЭФИ»? «Телевершина»! (нявызн.). Архівавана з першакрыніцы 3 кастрычніка 2018. Праверана 3 кастрычніка 2018.
10. Телевершина 2005 » Победители НТК «Телевершина» (нявызн.). Архівавана з першакрыніцы 30 студзеня 2014. Праверана 3 кастрычніка 2018.
11. Указ № 3 ад 4 студзеня 2006 г. Аб прысуджэнні спецыяльных прэмій Прэзідэнта Рэспублікі Беларусь дзеячам культуры і мастацтва 2005 года (нявызн.). Архівавана з першакрыніцы 3 ліпеня 2006. Праверана 3 кастрычніка 2018.
12. Награды «Телевершины-2013» вручили во Дворце Республики (фото) (нявызн.). Архівавана з першакрыніцы 30 студзеня 2014. Праверана 3 кастрычніка 2018.
13. Хорошо забытое старое (нявызн.). Архівавана з першакрыніцы 30 студзеня 2014. Праверана 3 кастрычніка 2018.