Кішачнадыхальныя

Кішачнады́хальныя (Enteropneusta) — клас паўхордавых.

Кішачнадыхальныя
Saccoglossus
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Паўхордавыя Клас:  Кішачнадыхальныя
Міжнародная навуковая назва
Enteropneusta
Атрады
Harrimaniidae Protoglossidae Ptychoderidae Saxipendiidae Spengelidae Torquaratoridae
Сістэматыка на Віківідах Выявы на Вікісховішчы ITIS   158617 NCBI   10220 EOL   8859 FW   33519

Вядома каля 80 відаў. Большасць пашырана ў морах трапічнай зоны, астатнія — у морах умеранай зоны. Жывуць на рознай глыбіні на паверхні дна або ў мяккім муле, мулаватым пяску, на каралавых рыфах. Свабоднарухомыя. Тыповы прадстаўнік — баланаглос.

Даўжыня ад 3 см да 2,5 м. Цела чэрвепадобнае, мае хабаток, каўнерык і тулава, пакрытае сліззю. Сценкі стрававода ў пярэдняй частцы працяты двума радамі шчэлепных шчылін (адсюль назва).

Кормяцца дробнымі жывёламі, рэшткамі раслін і іншымі арганічнымі рэчывамі.

Раздзельнаполыя. Размнажаюцца яйцамі, за выключэннем аднаго жывароднага віду. Развіццё з метамарфозам. Лічынка (тарнарыя) падобная да лічынак ігласкурых.

Літаратура

• Беларуская энцыклапедыя: У 18 т. Т. 8: Канто — Кулі / Рэдкал.: Г. П. Пашкоў і інш. — Мн. : БелЭн, 1999. — Т. 8. — 576 с. — 10 000 экз. — ISBN 985-11-0035-8. — ISBN 985-11-0144-3 (т. 8).