Лазар Весялінавіч

У Вікіпедыі ёсць артыкулы пра іншых людзей з прозвішчам Весялінавіч.

Лазар Весялінавіч (сербск.: Лазар Веселиновић; нар. 4 жніўня 1986, Нові-Сад, Сербія, СФРЮ) — сербскі футбаліст, нападнік.

Лазар Весялінавіч
Нарадзіўся	4 жніўня 1986(1986-08-04)[1] (39 гадоў) Нові-Сад, абшчына Нові-Сад[d], Сацыялістычны аўтаномны край Ваяводзіна, Сацыялістычная Рэспубліка Сербія, СФРЮ
Грамадзянства	Сербія
Рост	187 см
Вага	85 кг
Пазіцыя	нападнік
Клубная кар’ера[* 1]
2004—2005 Півара (Чаларова) 9 (1) 2005—2006 Шайкаш (Ковіль) 32 (11) 2006—2008 Інджыя 13 (0) 2005—2006 →  Шайкаш (Ковіль) 10 (3) 2007—2008 →  Біг Бул (Бачынцы) 11 (2) 2008—2009 Паліч 24 (11) 2009—2011 Спартак Злацібар Вода 5 (0) 2009—2010 →  Півара (Чаларова) 16 (8) 2010—2011 →  Пролетар (Нові-Сад) 8 (1) 2011 Млады Раднік (Пажаравац) 16 (6) 2012—2013 Хайдук (Кула) 42 (18) 2013 →  Дынама (Мінск) 12 (3) 2014—2015 Вайводзіна (Нові-Сад) 27 (12) 2015 →  Пхохан Стылерс 16 (0) 2016 Пхохан Стылерс 25 (4) 2017 Мезёкёвешд 22 (2) 2018 Рад (Бялград) 8 (1) 2018—2019 Пролетар (Нові-Сад) 0 (0) 2018—2019 →  Борац (Шайкаш)
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 15 кастрычніка 2019.

Клубная кар’ера

Выхаванец клуба «Вайводзіна», спачатку выступаў за клубы ніжэйшых сербскіх ліг. У 2009 годзе стаў іграком клуба «Спартак Злацібар Вода», але з-за траўм не здолеў замацавацца. З 2012 года гуляў за клуб «Хайдук», у складзе якога стаў трэцім бамбардзірам чэмпіянату Сербіі сезона 2012/13 і ўвайшоў у склад сімвалічнай зборнай чэмпіянату.

«Дынама»

У ліпені 2013 года быў запрыкмечаны селекцыянерамі мінскага «Дынама», якія прыехалі ў Сербію дзеля прагляду аднаклубніка Лазара, Ненада Адамавіча. У выніку Весялінавіч быў арандаваны дынамаўцамі да канца 2013 года з правам выкупу.

У складзе «Дынама» адразу заняў месца асноўнага нападніка, быў прызваны замяніць на гэтай пазіцыі пакінуўшага клуб Касціна Курэлю. У першым жа матчы за «Дынама» (14 ліпеня супраць «Гомеля») вызначыўся голам. Трохі пазней тры галы Весялінавіча дазволілі дынамаўцам па суме двух матчаў прайсці ў Лізе Еўропы харвацкую «Лакаматыву». Але пасля гульня Весялінавіча пайшла на спад, і ў верасні ён ужо перастаў трапляць у асноўны склад. У лістападзе 2013 года вярнуўся на месца асноўнага нападніка.

«Вайводзіна»

Па заканчэнні сезона «Дынама» намагалася пакінуць Весялінавіча ў сваім складзе, але ў студзені 2014 года ён перайшоў у «Вайводзіну»^[2]. У складзе «Вайводзіны» стаў уладальнікам Кубка Сербіі. У студзені 2015 года на правах арэнды апынуўся ў карэйскім клубе «Пхохан Стылерс»^[3], куды праз год перайшоў на трывалай аснове.

Апошнія гады

У пачатку 2017 года вярнуўся ў Еўропу, стаўшы іграком венгерскага клуба «Мезёкёвешд». У студзені 2018 года перайшоў у бялградскі «Рад». У маі 2018 года стаў іграком «Пролетара», але неўзабаве быў аддадзены ў арэнду «Борац» (Шайкаш) з рэгіянальнай лігі. Па заканчэнні сезона 2018/19 пакінуў «Пролетар».

Дасягненні

• 03 Бронзавы прызёр чэмпіянату Беларусі: 2013
• Уладальнік Кубка Сербіі: 2014