Лаза прырэчная

Лаза прырэчная, Лаза паўзрэчная^[1], Лаза руская^[2], Лаза^[3] (Salix viminalis) — шматгадовая расліна роду Вярба (Salix) сямейства Вярбовыя (Salicaceae).

Лаза прырэчная
Навуковая класіфікацыя
Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Вербакветныя Сямейства:  Вярбовыя Род:  Вярба Від:  Лаза прырэчная
Міжнародная навуковая назва
Salix viminalis L., 1753
Сінонімы
Salix rossica Nass.
Сістэматыка на Віківідах Выявы на Вікісховішчы ITIS   22594 NCBI   40686 EOL   584190 GRIN   t:32783 IPNI   779152-1 TPL   kew-5001961

Аднагадовы парастак лазы прырэчнай

Куст лазы прырэчнай

Батанічнае апісанне

Батанічная ілюстрацыя з кнігі О. В. Тамэ «Flora von Deutschland, Österreich und der Schweiz», 1885

Высокі куст (да 5 м вышынёй) з прамымі галінамі. Маладыя парасткі шэравата-апушаныя, часам голыя. Лісце лінейна-ланцэтнае, вострае, з загорнутымі ўніз краямі, з суцэльным краем, знізу шаўкавіста-апушанае. Каташкі тоўстыя, пухнатыя, амаль сядзячыя.

Расце па берагах рэк, азёр, пераважна на Палессі. Святлалюбная расліна. Цвіце ў сакавіку — красавіку.

Таксанамія

Від Лаза прырэчная уваходзіць у род Вярба (Salix) семейства Вярбовыя (Salicaceae) парадку Вербакветныя (Malpighiales).

яшчэ 36 сямействаў (па Сістэме APG II)

яшчэ больш 500 відаў

парадак Вербакветныя

род Вярба

аддзел Кветкавыя, ці Пакрытанасенныя

сямейства Вярбовыя

від Лаза прырэчная

яшчэ 44 парадка кветкавых раслін (па Сістэме APG II)

яшчэ каля 57 родаў

Энергетычная сыравіна

Ва ўмераных кліматычных зонах сарты лазы прырэчнай дзякуючы іх хуткаму росту і лёгкасці вырошчвання разглядаюцца як каштоўны паліўны матэрыял у здробненым выглядзе. Паліўна-энергетычную сыравіну — паліўныя брыкеты, гранулы, дранку, прэсаванае цвёрдае паліва для тлеючых цвёрдапаліўных катлоў^[4].

Зноскі

1. Беларуская навуковая тэрміналогія: слоўнік лясных тэрмінаў. — Мінск: Інбелкульт, 1926. — Т. Вып. 8. — 80 с.
2. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 117. — 160 с. — 2 350 экз. — у крыніцы пад назвай Salix rossica Nass.
3. Ганчарык М. М. Беларускія назвы раслін. Праца навуковага таварыства па вывучэнню Беларусі, т. II і IV. — Горы-Горки, 1927.
4. Енергетична верба (Salix Viminalis) Архівавана 15 червень 2015. — Alterenergy.info