Лаўровы лес Мадэйры

Лаўровы лес Мадэйры (парт.: Laurissilva da Madeira) — субтрапічны лес, характэрны для горных раёнаў вострава Мадэйра. Занесены ў Спіс сусветнай спадчыны ЮНЕСКА. Агульная плошча - 15 тысяч га.

Лаўровы лес Мадэйры*
Laurisilva of Madeira**
Сусветная спадчына ЮНЕСКА
Тып	Прыродны
Крытэрыі	IX, X
Спасылка	1
Рэгіён***	Еўропа і Паўночная Амерыка
Гісторыя ўключэння
Уключэнне	1999  (23 сесія)
* Міжнародная канвенцыя «ЮНЕСКА» ** Назва ў афіцыйным англ. спісе *** Рэгіён па класіфікацыі ЮНЕСКА

Лаўровы лес — тып субтрапічнага лесу, распаўсюджаны ў вільготных рэгіёнах з мяккім кліматам. Звычайна ён сустракаецца ў гарах, дзе высокія вяршыні затрымліваюць больш вільгаці, чым на раўніне. У трацічны перыяд лаўровыя лясы ахоплівалі ўвесь поўдзень Еўропы, аднак падчас наступлення ледавіка зніклі і захаваліся толькі ў Макаранезіі.

Для Мадэйры характэрна тое, што мясцовы лаўровы лес да XV ст. не ведаў уздзеяння чалавека. Асноўныя віды раслін, якія фарміруюць мясцовую флору — рэліктавыя персея, піконія, апалонія, клетра, драцэна, папараці і інш. Пасля каланізацыі Мадэйры плошча лесу значна скарацілася. У наш час лаўровы лес, падобна субтрапічным лясам на Канарскіх астравах, складае асобны пояс монтэвердэ. Гэта месца насяляюць рэдкія віды казурак, малюскаў, птушак, кажаноў.

Спасылкі

• На Вікісховішчы ёсць медыяфайлы па тэме Лаўровы лес Мадэйры

Сусветная спадчына ЮНЕСКА, аб’ект № 934 рус. • англ. • фр.

• Сайт ЮНЕСКА
• Сайт аховы птушак Мадэйры
• Вечназялёныя лясы Мадэйры