Ла-Хоя (Каліфорнія)

Ла-Хоя (англ.: La Jolla — Ла Хоя, вымаўляецца на іспанскі манер^[3]) — паўночна-заходні раён горада Сан-Дыега, штат Каліфорнія. Ла-Хоя не мае фармальнага адміністрацыйнага статуса, але тым не менш яго жыхары часта называюць яго горадам. Паводле адміністрацыі Сан-Дыега, межы Ла-Хоі вызначаюцца Ціхім акіянам на захадзе, універсітэтам і вуліцай Гілмэн-Драйв (англ.: Gilman Drive) на поўначы і ўсходзе, і раёнам Пасіфік-Біч на поўдні.^[4]

Ла-Хоя англ.: La Jolla Краіна  ЗША Каардынаты 32°50′24″ пн. ш. 117°16′37″ з. д.HGЯO Вышыня цэнтра 32 м[1][2] Насельніцтва 42 808 чал. (2004) Афіцыйны сайт sandiego.gov/plan… (англ.) Ла-Хоя на карце ЗША

Медыяфайлы на Вікісховішчы

У Ла-Хоі знаходзіцца шмат навучальных устаноў, рэстаранаў, розных прадпрыемстваў у галіне гандлю, праграмнага забеспячэння, фінансаў, нерухомасці, біяінжынерыі, медыцынскай практыкі і навуковых даследаванняў.^[5][6][7] Тут знаходзіцца Каліфарнійскі ўніверсітэт у Сан-Дыега, Інстытут Солка  (англ.), Інстытут акіянаграфіі Скрыпса  (англ.) (частка Каліфарнійскага ўніверсітэта), Навукова-даследчы інстытут Скрыпса  (англ.) і штаб-кватэра Нацыянальнага ўніверсітэта  (англ.) (хоць яго акадэмічныя гарадкі знаходзяцца ў іншых месцах).