Леандра Парэдэс

Леа́ндра Парэ́дэс (ісп.: Leandro Paredes); нар. 29 чэрвеня 1994) — аргенцінскі футбаліст, паўабаронца абарончага плану італьянскага клуба «Рома» і нацыянальнай зборнай Аргенціны. Парэдэс мае парагвайскае паходжанне.

Леандра Парэдэс
Агульная інфармацыя
Нарадзіўся	29 чэрвеня 1994(1994-06-29)[1][2][…] (31 год) Сан-Хуста[d], Ла-Матанса[d], правінцыя Буэнас-Айрэс, Аргенціна
Грамадзянства	Аргенціна[3]
Рост	184 см
Вага	75 кг
Пазіцыя	паўабаронца
Клубная кар’ера[* 1]
2025—0000 Бока Хуніярс 0 (0)
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў.
Медыяфайлы на Вікісховішчы

Кар’ера

Клубная

У прафесійным футболе дэбютаваў у складзе «Бокі Хуніярс» 6 лістапада 2010 года ў матчы супраць «Архенцінас Хуніярс». На пачатку 2014 года далучыўся да клуба Серыі А «К’ева»^[4]. Пасля далучыўся да «Ромы», але на некаторы час на правах арэнды вярнуўся ў «Бока Хуніярс». У складзе «Ромы» дэбютаваў у матчы супраць «Вероны». У ліпені 2017 года далучыўся да расійскага «Зеніта», склаўшы кантракт на чатыры гады. У студзені 2019 года стаў футбалістам французскага «Пары Сен-Жэрмена», а ў сезоне 2022—2023 года абараняў колеры італьянскага «Ювентуса». 16 жніўня 2023 года Парэдэс вярнуўся ў «Рому», склаўшы працоўны дагавор да 30 чэрвеня 2025 года^[5].

Міжнародная

Упершыню быў выкліканы да складу нацыянальнай зборнай Аргенціны ў маі 2017 года. Дэбютаваў у складзе каманды 13 чэрвеня ў матчы супраць зборнай Сінгапура^[6].

Дасягненні

«Бока Хуніярс»:

• Чэмпіён Аргенціны: 2011(а)
• Уладальнік Кубка Аргенціны: 2012

«Зеніт»:

• Чэмпіён Расіі: 2019

«Пары Сен-Жэрмен»:

• Чэмпіён Францыі: 2019, 2020, 2022, 2023
• Уладальнік Кубка Францыі: 2020, 2021
• Уладальнік Кубка французскай лігі: 2020
• Уладальнік Суперкубка Францыі: 2019, 2020, 2022

Аргенціна:

• Чэмпіён свету: 2022
• Уладальнік Кубка Амерыкі: 2021, 2024