Леанід Сямёнавіч Лапцеў

У Вікіпедыі ёсць артыкулы пра іншых людзей з прозвішчам Лапцеў.

Леанід Сямёнавіч Лапцеў (1914-1943) — малодшы сяржант Рабоча-сялянскай Чырвонай Арміі, удзельнік Вялікай Айчыннай вайны, Герой Савецкага Саюза (1943).

Леанід Сямёнавіч Лапцеў
Дата нараджэння	25 красавіка 1914(1914-04-25)
Месца нараджэння	Лобва[d], Верхатурскі павет[d], Пермская губерня, Расійская імперыя
Дата смерці	28 кастрычніка 1943(1943-10-28) (29 гадоў)
Месца смерці	Лоеўскі раён, Гомельская вобласць, Беларуская ССР, СССР
Месца пахавання	Лоеўскі раён
Грамадзянства	СССР
Прыналежнасць	СССР
Род войскаў	войскі сувязі
Гады службы	1941—1943
Званне	Малодшы лейтэнант
Бітвы/войны	Вялікая Айчынная вайна
Узнагароды і званні

Біяграфія

Нарадзіўся 25 красавіка 1914 года ў вёсцы Лобва (цяпер — пасёлак у Новалялінскім гарадскім акрузе Свярдлоўскай вобласці). Пасля заканчэння пачатковай школы працаваў грузчыкам у леспрамгасе Алапаеўскага раёна.

У ліпені 1941 года прызваны на службу ў Рабоча-сялянскую Чырвоную Армію. З лютага 1943 года — на франтах Вялікай Айчыннай вайны. Да кастрычніка 1943 года малодшы сяржант Леанід Лапцеў камандаваў аддзяленнем сувязі 1-га артылерыйскага дывізіёна 362-га артылерыйскага палка 106-й стралковай дывізіі 65-й арміі Цэнтральнага фронту. Вызначыўся падчас бітвы за Дняпро^[1].

15 кастрычніка 1943 года Лапцеў разам з трыма сувязістамі пераправіўся праз Дняпро у раёне пасёлка Лоеў Гомельскай вобласці Беларускай ССР і праклаў кабель сувязі. За час баёў Лапцеў тры разы перапраўляўся праз Дняпро, ліквідуючы пашкоджанні. 28 кастрычніка 1943 года ў баі ён быў смяротна паранены. Першапачаткова быў пахаваны ў ваколіцах вёскі Барэц Лоеўскага раёна, пазней перапахаваны ў парку вёскі Пярэдзелка таго ж раёна^[1].

Указам Прэзідыума Вярхоўнага Савета СССР ад 30 кастрычніка 1943 года за «ўзорнае выкананне баявых заданняў камандавання на фронце барацьбы з нямецкімі захопнікамі і праяўленыя пры гэтым мужнасць і гераізм» малодшы сяржант Леанід Лапцеў пасмяротна быў удастоены высокага звання Героя Савецкага Саюза. Таксама быў узнагароджаны ордэнам Леніна і Чырвонай Зоркі, медалём^[1].

У гонар Лапцева названы вуліцы ў Лобве і пасёлку Мураткава Алапаеўскага раёна Свярдлоўскай вобласці^[1].

Зноскі

1. Леанід Сямёнавіч Лапцеў на сайце «Героі краіны»