Лемяшэвіцкі сельсавет

Лемяшэ́віцкі сельсавет — былая адміністрацыйна-тэрытарыяльная адзінка ў складзе Пінскага раёна Брэсцкай вобласці Беларусі. Адміністрацыйны цэнтр — вёска Лемяшэвічы.

Лемяшэвіцкі сельсавет
Краіна	Беларусь
Уваходзіць у	Пінскі раён
Уключае	8 населеных пунктаў
Адміністрацыйны цэнтр	Лемяшэвічы
Дата ўтварэння	12 кастрычніка 1940
Дата скасавання	17 верасня 2013
Насельніцтва (2009)	514
Код аўтам. нумароў	1

Утвораны 12 кастрычніка 1940 года ў складзе Пінскага раёна Пінскай вобласці БССР, з 8 студзеня 1954 года — Брэсцкай вобласці. 17 красавіка 1959 года ў склад сельсавета з Качановіцкага сельсавета перададзены вёскі Крывічы, Курадава-I і Курадава-II^[1]. На 1 студзеня 1974 года ў складзе сельсавета 9 населеных пунктаў^[2]. 17 верасня 2013 года скасаваны, тэрыторыя далучана да Лапацінскага сельсавета^[3].

Насельніцтва сельсавета паводле перапісу 2009 года — 514 чалавек^[4], з іх 94,2 % — беларусы, 3,7 % — украінцы, 1,8 % — рускія^[5].

На момант скасавання ў сельсавет уваходзілі 8 населеных пунктаў: вёскі Балгары, Курадава, Лемяшэвічы, Тупчыцы, Хрысцібалавічы, Церабень, Чорнава 1, Чорнава 2.