Леніна Мікалаеўна Міронава

У Вікіпедыі ёсць артыкулы пра іншых людзей з прозвішчам Міронава.

Леніна Мікалаеўна Міронава (2 сакавіка 1931, Харкаў, Украінская ССР — 23 снежня 2022, Мінск) — беларускі архітэктар, педагог, мастацтвазнаўца. Кандыдат архітэктуры (1963), прафесар Беларускай дзяржаўнай акадэміі мастацтваў (2003). Сябра грамадскага аб’яднання «Беларускі саюз дызайнераў».

Леніна Мікалаеўна Міронава
Дата нараджэння	2 сакавіка 1931(1931-03-02)
Месца нараджэння	Харкаў, УССР, СССР
Дата смерці	23 снежня 2022(2022-12-23) (91 год)
Месца смерці	Мінск, Беларусь
Грамадзянства	СССР  Беларусь
Род дзейнасці	архітэктарка
Навуковая сфера	мастацтвазнаўства, архітэктура, педагогіка
Месца працы	Беларуская дзяржаўная акадэмія мастацтваў
Навуковая ступень	кандыдат архітэктуры (1963)
Навуковае званне	прафесар
Альма-матар	Кіеўскі інжынерна-будаўнічы інстытут (1954)
Вядомыя вучні	Уладзімір Цэслер, Дзмітрый Сурскі, Сяргей Кірушчанка
Партыя	КПСС
Член у	Саюз архітэктараў СССР Беларускі саюз архітэктараў Беларускі саюз дызайнераў
Медыяфайлы на Вікісховішчы

Біяграфія

Нарадзілася 2 сакавіка 1931 года ў Харкаве. Скончыла ў 1954 годзе архітэктурны факультэт Кіеўскага інжынерна-будаўнічага інстытута з чырвоным дыпломам.

У 1954 годзе пераехала ў Мінск. У 1957—1960 гадах вучылася ў аспірантуры пры АН БССР па спецыяльнасці «Архітэктура». У 1954—1957 гадах — старэйшы архітэктар інстытута «Мінгарпраект», у 1961—1968 гадах працавала ў Інстытуце будаўніцтва і архітэктуры Дзяржбуда БССР. Увосень 1968 года пачала выкладаць свой курс «Каларыстыка» адразу на 4 кафедрах Беларускага тэатральна-мастацкага інстытута: інтэр’еру і абсталявання, дызайну, ДПМ і мастацкай апрацоўкі тканін; старэйшы выкладчык (1969), дацэнт (1970), прафесар (2003). Працавала там да 2009 года, 40 гадоў без перапынку^[1].

Член Саюза архітэктараў БССР з 1957 года, член праўлення СА БССР і СА СССР (1961—1965)^[1]. Член КПСС з 1959 года. Пражывала ў Мінску^[2].

Памерла 23 снежня 2022 года ў Мінску.

Дзейнасць

Удзельнічала ў распрацоўцы праектаў серыі тыпавых жылых дамоў БМ-3 (1956-58)^[2].

Аўтар больш яка 100 артыкулаў па праблемах колеру ў выяўленчым мастацтве.

Выдала шэраг падручнікаў:

• «Каларыстыка» (1974)
• «Колеразнаўства». Мінск, Вышэйшая школа, 1983, 286 стар.
• «Вучэнне аб колеры» (1993) — Мінск, Вышэйшая школа, 1993, 463 стар.
• «Колер у выяўленчым мастацтве» (2011) Мінск, Беларусь, 2011 (4-е выд.).

Вучнямі Леніны Міронавай у розныя гады былі вядомыя беларускія мастакі і дызайнеры: Уладзімір Цэслер, Ганна Балаш, Дзмітрый Сурскі, Сяргей Кірушчанка і іншыя.

Творчыя праекты Леніны Міронавай: стварэнне артыкулаў пра творчасць беларускіх мастакоў сярэдняга і малодшага пакалення, серыі графічных лістоў і тэкстыльных пано на тэму «Прырода і Чалавек»^[3]. На асабістым сайце Міронавай выкладзены яе артыкулы пра творчасць знакамітых асоб (Казімір Малевіч, Юрый Тарэеў, Канстанцін Міхееў, Рыгор Іваноў і інш.) і яе даследаванні пра ролю колеру ў культуры Старога Кітая^[4].

Узнагароды

Узнагароджана ганаровымі граматамі, значкамі, падзякамі і прэміямі.

Зноскі

1. Миронова Ленина Николаевна // Кто есть Кто в Республике Беларусь. Архитекторы Беларуси. / Редакционный совет: И. В. Чекалов (пред.) и др. — Минск: Энциклопедикс, 2014. — 140 с. — ISBN 978-985-7090-29-7. (руск.)
2. Миронова Ленина Николаевна // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)
3. Дадатак да загада Міністэрства культуры Рэспублікі Беларусь 16.02.2011 № 18(недаступная спасылка)
4. Артыкулы Леніны Міронавай на сайце mironovacolor.org Архівавана 18 мая 2015.