Летуценнікі (фільм, 2003)

«Летуценнікі» (англ.: The Dreamers) — рамантычная драма Бернарда Берталучы паводле сцэнарыя Гілберта Адэра, створанаму на аснове трох яго кніг, уключаючы аднайменны раман (у сваю чаргу, натхнёны раманам Както «Жудасныя дзеці»). У цэнтры сюжэту - напоўненая кінематаграфічнымі алюзіямі гісторыя сексуальнай рэвалюцыі ў асобна ўзятай парыжскай кватэры, якая адбываецца на фоне студэнцкіх хваляванняў 1968 года. Галоўныя ролі выканалі Майкл Піт, Ева Грын (дэбютнае з'яўленне на кінаэкране) і Луі Гарэль.

Летуценнікі
англ.: The Dreamers
Жанры	рамантычны фільм, драматычны фільм і экранізацыя рамана[d]
Рэжысёр	Бернарда Берталучы[1]
Прадзюсар	Jeremy Thomas[d]
На аснове	The Holy Innocents[d][2]
Сцэнарыст	Gilbert Adair[d][1]
У галоўных ролях	Майкл Піт[1] Ева Грын[1] Луі Гарэль[1] Анна Чэнселар[d] Рабен Рэнучы Jean-Pierre Kalfon[d] Jean-Pierre Léaud[d] Жан-Поль Бельмандо Франсуа Труфо Джын Сіберг Henri Langlois[d] Valentin Merlet[d] Gilbert Adair[d]
Аператар	Fabio Cianchetti[d]
Мастак-пастаноўшчык	Jean Rabasse[d]
Кінакампанія	Recorded Picture Company[d]
Працягласць	115 хв.
Краіны	Францыя[1]  Вялікабрытанія[1]  Італія[1]
Мовы	англійская і французская
Год	2003
IMDb	ID 0309987
Афіцыйны сайт

Сюжэт

Дзеянне фільма адбываецца напярэдадні і падчас майскіх падзей 1968 года ў Парыжы. Малады амерыканец Мэцью прыязджае ў Парыж па праграме студэнцкага абмену, каб палепшыць свае веды французскай мовы. Большую частку вольнага часу ён праводзіць у Сінематэцы, у кампаніі іншых падлеткаў, апантаных аматараў кіно, атрымліваючы асалоду ад прагляду сучасных стужак і кінакласікі.

Аднойчы ён сустракае сваіх аднагодкаў, Ізабэль і Тэа, якія сцвярджаюць, што з'яўляюцца блізнятамі. Новыя знаёмыя запрашаюць Мэцью на час адсутнасці бацькоў пераехаць у іх кватэру. Паступова высвятляецца, што блізкасць Ізабэль і Тэа балансуе на мяжы інцэсту. Адарваныя ад свету студэнцкіх хваляванняў, усе трое самаахвярна аддаюцца сексуальным і псіхалагічным эксперыментам, абмяркоўваюць кінамастацтва.