Лошыца (рака)

У паняцця ёсць і іншыя значэнні, гл. Лошыца (значэнні).

Ло́шыца — рака ў Мінску, правы прыток Свіслачы. Пачатак — мікрараён Малінаўка, вусце — рака Свіслач у раёне Мінскага камвольнага камбіната. Даўжыня 9,2 км^[1].

Лошыца
Характарыстыка
Даўжыня	9,2 км
Вадацёк
Выток
• Месцазнаходжанне	каля жылога раёна Малінаўка
• Каардынаты	53°51′16″ пн. ш. 27°26′58″ у. д.HGЯO
Вусце	Свіслач
• Каардынаты	53°50′59″ пн. ш. 27°34′49″ у. д.HGЯO
Размяшчэнне
Водная сістэма	Свіслач → Бярэзіна → Дняпро → Чорнае мора
Краіна	Беларусь
Рэгіён	Мінск
выток вусце
— выток, — вусце
Медыяфайлы на Вікісховішчы

Назва

На думку Вадзім Жучкевіча, назва Лошыца тэрміналагічнага паходжання, у ягонай аснове беларуская назва рыбы лох або ласось — лош, лошак. Назва Лошыца ўспрымалася раней так сама, як Карасёўка, Акунёўка і г. д.^[2]

Аляксандр Рогалеў лічыць, што ў аснове наймення Лошыца ляжыць геаграфічны тэрмін лоша (лошыца) — паглыбленне, нізіна, лагчына. Тое ж — лоск, ложа.^[3]

Гідраграфія

У раёне мікрараёна Брылевічы зліваецца са сваім левым прытокам — ракой Мышкай. У мікрараёне Курасоўшчына ўтварае вадасховішча Лошыца, на беразе якога размешчаны парк Курасоўшчына. У сярэднім цячэнні ракі ў межах Мінска створаны 2 сажалкі^[1].

Распрацоўваецца план рэканструкцыі Лошыцкай воднай сістэмы, які прадугледжвае стварэнне водна-паркавай сістэмы, якая стане зонай адпачынку для жыхароў Мінска^[4].