Луіза Савойская

Луіза Савойская (фр.: Louise de Savoie; 11 верасня 1476 — 22 верасня 1531) — прынцэса Савойская, маці французскага караля Францыска I, якая адыгрывала ключавую ролю ў падзеях яго валадарання. Апроч Францыска, у яе была дачка — пісьменніца Маргарыта Наварская.

Луіза Савойская
фр.: Louise de Savoie
Род дзейнасці	палітык
Дата нараджэння	11 верасня 1476[1]
Месца нараджэння	Pont-d'Ain[d], дэпартамент Эн, Францыя
Дата смерці	22 верасня 1531[1] (55 гадоў)
Месца смерці	Grez-sur-Loing[d], дэпартамент Сена і Марна, рэгіён Іль-дэ-Франс, Метраполія Францыі, Францыя
Месца пахавання	Абацтва Сен-Дэні
Грамадзянства	Каралеўства Францыя  Савойскае герцагства[d]  Свяшчэнная Рымская імперыя
Веравызнанне	каталіцтва
Бацька	Filippo II, Duke of Savoy[d]
Маці	Marguerite de Bourbon[d]
Муж	Карл Ангулемскі[d]
Дзеці	Францыск I і Маргарыта Наварская
Медыяфайлы на Вікісховішчы

Біяграфія

Нарадзілася ў сям’і савойскага герцага Філіпа Беззямельнага і Маргарыты дэ Бурбон — дачкі Карла I дэ Бурбона ад шлюбу з Агнесай Бургундскай, дачкой герцага Бургундскага Жана Бясстрашнага.

Выхоўвалася пры двары стрыечнай сястры, Ганны дэ Бажо. Тамака яна пасябравала з Маргарытай Аўстрыйскай, якая, нявестай дафіна, жыла пры французскім двары. Пазней іх сяброўства дапамагло прымірыць Іспанію і Францыю дзякуючы міру ў Камбры.

У 12 гадоў яе выдалі замуж за Карла Ангулемскага з Арлеанскай галіны кіруючага дома Валуа. Асноўным месцазнаходжаннем мужа і жонкі быў Каньяк, дзе ў іх нарадзілася двое дзяцей — будучы Францыск I і будучая каралева Маргарыта Наварская.

У 18 гадоў Луіза Савойская стала ўдавой і на працягу рэшты жыцця насіла чорную сукенку. Па запрашэнні Людовіка XII жыла з дзецьмі ў каралеўскім замку Амбуаз. У жніўні 1508 года сын і дачка Луізы Савойскай пераехалі ў Парыж, яна ж пераехала ў Ангулем. Луіза захаплялася палітыкай і дыпламатыяй, глыбока цікавілася дасягненнямі мастацтва і навукі Адраджэнскай Італіі. Яна жадала, каб яе дзеці былі выхаваны ў духу італьянскага Рэнесансу, у чым ёй дапамагаў італьянскі духоўнік Крыстафор Нюмай з Форлі.

Пасля смерці Ганны Брэтонскай у 1514 годзе Луіза Савойская перабралася ў Парыж, дзе 8 мая 1514 года, яе сын ажаніўся з дачкой Людовіка XII — Клод Французскай, стаўшы першым у чарзе на трон Францыі.

Зноскі

1. Bibliothèque nationale de France data.bnf.fr: платформа адкрытых даных — 2011. Праверана 10 кастрычніка 2015.

   <a href='https://wikidata.org/wiki/Track:Q19938912'></a><a href='https://wikidata.org/wiki/Track:Q54837'></a><a href='https://wikidata.org/wiki/Track:Q193563'></a>