Людвік Станіслаў Фадзей Акінчыц

У Вікіпедыі ёсць артыкулы пра іншых людзей з прозвішчам Акінчыц.

Лю́двік Станісла́ў Фадзе́й Акі́нчыц (2 мая 1835, Гродзенская губерня — 15 красавіка 1903^[1], Кунгур) — лекар, удзельнік паўстання 1863 года. Брат Уладзіслава і Фелікса.

Людвік Станіслаў Фадзей Акінчыц
Род дзейнасці	урач
Дата нараджэння	2 мая 1835(1835-05-02)
Месца нараджэння	Гродзенская губерня, Літоўскае генерал-губернатарства, Расійская імперыя
Дата смерці	15 красавіка 1903(1903-04-15) (67 гадоў)
Месца смерці	Кунгур, Кунгурскі павет[d], Пермская губерня, Расійская імперыя
Месца пахавання	Егашыхінскія могілкі[d]

Біяграфія

Нарадзіўся ў Гродзенскай губерні. Паляк, каталіцкага вызнання^[2].

Скончыў медыцынскі факультэт Імператарскага ўніверсітэта ў Маскве (1862). Жыў і займаўся лекарскай практыкай у Свіслачы Ваўкавыскага павета Гродзенскай губерні.

25 чэрвеня 1863 года арыштаваны «за садзейнічанне паўстанню»^[3] і прыгавораны да ссылкі. Пакаранне адбываў у Кунгуры на Урале.

Працаваў земскім урачом, стаў адным з заснавальнікаў курортнай медыцыны. За асаблівыя заслугі ў 1886 годзе ўзнагароджаны ордэнам святога Станіслава 3-й ступені.

Памёр у 1903 годзе, пахаваны ў Пермі на Егашыхінскіх «польскіх» могілках.

Сям’я

Сын Людвік Акінчыц (1874—1941) — вядомы расійскі і савецкі хірург-гінеколаг, эндакрынолаг.

Зноскі

1. german-osipovich.. Окинчиц Людвиг (руск.). Яндекс. Фотки. Яндекс (30 жніўня 2010). Праверана 17 лютага 2013.
2. Наталья Токарева.. Поляки в истории сельских и заводских поселений (руск.). Суксунский музей (12 красавіка 2012). Праверана 17 лютага 2013.
3. Алесь Смалянчук. Гродзенскія «мяцежнікі» // ARCHE. — 2010. — № 12. — С. 174—185.(недаступная спасылка)