Людвінова (Чэрвеньскі раён)

У паняцця ёсць і іншыя значэнні, гл. Людвінова.

Людвіно́ва (таксама Людвіно́ў, Людвінаў^[1]) — колішні фальварак у Смілавіцкай воласці Ігуменскага павета, на рацэ Слоўст, цераз раку ад фальварка Таклінова. Цяпер у межах Чэрвеньскага раёна Мінскай вобласці, на месцы фальварка садаводчае таварыства Волат-МЗКЦ.

Вёска Людвінова Краіна Беларусь Вобласць Мінская Раён Чэрвеньскі Каардынаты 53°43′57″ пн. ш. 27°54′41″ у. д.HGЯO Людвінова на карце Беларусі ±

Гісторыя

Ранняя гісторыя

У другой палове XIX стагоддзя фальварак калежскага сакратара рыма-каталіцкага веравызнання Віктара Феафілавіча Катовіча^[2], у Катовіча быў багаты кнігазбор гістарычнай і філасофскай літаратуры^[3].

У 1908 годзе было 66 жыхароў^[4]. У 1913 годзе ўласнасць Яна Катовіча (810 дзесяцін зямлі) і Адольфа Катовіча (589 дзесяцін)^[5]. У 1917 годзе было 22 жыхары, усе палякі^[6].

Найноўшы час

З канца лютага 1918 года тэрыторыя акупаваная войскамі Германскай імперыі. 25 сакавіка 1918 года згодна з Трэцяй Устаўной граматай абвяшчалася часткай Беларускай Народнай Рэспублікі. У снежні 1918 года занята Чырвонай Арміяй, з 1 студзеня 1919 года ў адпаведнасці з пастановай І з’езда КП(б) Беларусі яна ўвайшла ў склад Савецкай Беларусі, з 27 лютага 1919 года — у ЛітБел ССР. У час польска-савецкай вайны ў жніўні 1919 — ліпені 1920 гадоў пад акупацыяй Польшчы (Мінская акруга ГУУЗ).

З 31 ліпеня 1920 года ў Беларускай ССР. Праведзена нацыяналізацыя фальварка. У 1930-х гадах меў статус пасёлка. У 1938 годзе рэпрэсаваны адзін з жыхароў пасёлка, Дзятко Ігнацій Францавіч^[7].