Людміла Антонаўна Пашкевіч

У Вікіпедыі ёсць артыкулы пра іншых людзей з прозвішчам Пашкевіч.

Людміла Антонаўна Пашкевіч — беларуская вучоная ў галіне траўматалогіі і артапедыі. Заслужаны ўрач Рэспублікі Беларусь (2001)^[1]. Доктар медыцынскіх навук, прафесар.

Людміла Антонаўна Пашкевіч
Бацька	Антон Яўгенавіч Брыкальскі[d]
Род дзейнасці	урач, хірург, анколаг, выкладчыца ўніверсітэта
Навуковая сфера	рак костак[d] і дабраякасная пухліна[d]
Месца працы	Рэспубліканскі навукова-практычны цэнтр траўматалогіі і артапедыі[d]
Навуковая ступень	доктар медыцынскіх навук
Навуковае званне	прафесар
Альма-матар	Мінскі медыцынскі інстытут (1968)
Узнагароды

Біяграфія

Пасля заканчэння Мінскага дзяржаўнага медыцынскага інстытута ў 1968 годзе працавала ўрачом-артапедам артапедычнага аддзялення 21-й дзіцячай паліклінікі ў Мінску. У 1974—1975 гадах урач-артапед 19-й гарадской паліклінікі ў Мінску^[1].

У 1975—1977 гадах клінічны ардынатар Навукова-даследчага інстытута траўматалогіі і артапедыі Міністэрства аховы здароўя БССР. У 1977—1993 гадах малодшы навуковы супрацоўнік, старшы навуковы супрацоўнік патагісталагічнай лабараторыі ізатопнай з віварыем Навукова-даследчага інстытута траўматалогіі і артапедыі Міністэрства аховы здароўя БССР^[1].

З 1993 года працавала кіраўніком аддзялення клінічнай марфалогіі Навукова-даследчага інстытута траўматалогіі і артапедыі Міністэрства аховы здароўя Рэспублікі Беларусь, з лістапада 1996 года — намеснікам дырэктара па навуковай рабоце дзяржаўнай установы «Рэспубліканскі навукова-практычны цэнтр траўматалогіі і артапедыі»^[1].

Навукова-даследчыцкая дзейнасць

• кандыдацкая дысертацыя — «Клініка-рэнтгеналагічныя і марфалагічныя супастаўленні першасных злаякасных пухлін костак і суставаў» (Мінск, 1984 г.);
• доктарская дысертацыя — «Клініка-рэнтгенамарфалагічная характарыстыка і дыферэнцыяльная дыягностыка пухлін пазваночніка і плоскіх костак (лапатка, рэбры, грудзіна)» (Мінск, 1996 г.).

Узнагароды

Заслужаны ўрач Рэспублікі Беларусь (2001), нагрудны знак «Выдатнік аховы здароўя», медаль Францыска Скарыны^[1].

Зноскі

1. Пашкевич Людмила Антоновна Архівавана 2 кастрычніка 2022. (руск.)