Людміла Забалоцкая

У Вікіпедыі ёсць артыкулы пра іншых людзей з прозвішчам Саламаха.

Людміла Забалоцкая, сапр. Людміла Васілеўна Саламаха (27 снежня 1949, г. Крычаў Магілёўскай вобл. — 28 лістапада 2021^[1], Мінск) — беларуская паэтэса і перакладчыца.

Людміла Забалоцкая
Асабістыя звесткі
Дата нараджэння	27 снежня 1949(1949-12-27)
Месца нараджэння	Крычаў, Крычаўскі раён, Магілёўская вобласць, Беларуская ССР, СССР
Дата смерці	28 лістапада 2021(2021-11-28) (71 год)
Месца смерці	Мінск, Беларусь
Пахаванне	Заходнія могілкі (Мінск)
Грамадзянства	СССР  Беларусь
Альма-матар	Крычаўскае медыцынскае вучылішча[d] філалагічны факультэт БДУ
Месца працы	Беларуская Савецкая Энцыклапедыя Нацыянальная дзяржаўная тэлерадыёкампанія Рэспублікі Беларусь Пралеска Адукацыя і выхаванне Полымя Іскра[d]
Прафесійная дзейнасць
Род дзейнасці	пісьменнік
Мова твораў	беларуская
Грамадская дзейнасць
Член у	Саюз пісьменнікаў СССР Саюз беларускіх пісьменнікаў

Біяграфія

Нарадзілася ў сям’і служачых. У 1968 г. скончыла Крычаўскае медыцынскае вучылішча, працавала карэспандэнтам чавускай раённай газеты «Іскра». У 1974 г. скончыла філалагічны факультэт Беларускага дзяржаўнага ўніверсітэта. У 1974—1984 гг. навуковы рэдактар у Беларускай Савецкай Энцыклапедыі імя П. Броўкі^[2], на Беларускім тэлебачанні, намеснік галоўнага рэдактара часопіса «Пралеска» (1991—95), у выдавецтве «Полымя», з 1996 у часопісе «Адукацыя і выхаванне».

Член Саюза пісьменнікаў Беларусі з 1990 года^[2].

Памерла 28 лістапада 2021 года ў Мінску^[2]. Пахаваная на Заходніх могілках Мінска^[3].

Творчасць

Друкуецца з 1967 года. Аўтар зборнікаў вершаў «Сакавік» (1974), «Вадаводны васілёк» (1981), «Святло палыну» (1989), «Струны памяці» (1991). Асноўная тэма творчасці — жаночая доля, каханне і пошукі жыццёвай гармоніі. Паэтэса чулая да мастацкага слова, настойлівая ў пошуку сродкаў узбагачэння паэтычнай тэматыкі. Пераклала на беларускую мову раман Вальтэра Скота «Айвенга» (1997).

Зноскі

1. racyja.com (нявызн.)(недаступная спасылка). Архівавана з першакрыніцы 28 лістапада 2021. Праверана 28 лістапада 2021.
2. Забалоцкая Людміла – Белліт  (бел.) (1 ліпеня 2024). Праверана 28 жніўня 2024.
3. Жарскі — Каршукоў – Белліт  (бел.) (14 ліпеня 2023). Праверана 28 жніўня 2024.