Людміла Рублеўская

Людмі́ла Рубле́ўская, сапр.: Людмі́ла Іва́наўна Шні́п (нар. 5 ліпеня 1965, Мінск) — беларуская паэтка, пісьменніца, літаратурны крытык, драматург, перакладчыца, журналістка.

Людміла Рублеўская
Людміла Рублеўская на XX мінскай Міжнароднай кніжнай выстаўцы, 2013 г.
Асабістыя звесткі
Дата нараджэння	5 ліпеня 1965(1965-07-05) (60 гадоў)
Месца нараджэння	Мінск, Беларуская ССР, СССР
Грамадзянства	Беларусь
Муж	Віктар Шніп
Альма-матар	Мінскі дзяржаўны архітэктурна-будаўнічы каледж Літаратурны інстытут імя А. М. Горкага філалагічны факультэт БДУ
Месца працы	Гарызонт Першацвет Наша слова Літаратура і мастацтва СБ. Беларусь сегодня Звязда
Прафесійная дзейнасць
Род дзейнасці	пісьменніца, паэтэса, журналістка, літаратурная крытык
Гады творчасці	з 1983
Мова твораў	беларуская
Грамадская дзейнасць
Член у	Саюз пісьменнікаў СССР Саюз беларускіх пісьменнікаў
Прэміі	Нацыянальная літаратурная прэмія (2017) Залаты апостраф (2014) прэмія імя Францішка Багушэвіча (2011)
Узнагароды	Залатое пяро[d] (2012) Залатое пяро[d] (2014)
lir-book.by (бел.)
Медыяфайлы на Вікісховішчы

Біяграфія

Нарадзілася ў сям’і служачых. Скончыла аддзяленне архітэктуры Мінскага архітэктурна-будаўнічага тэхнікума (1984). Працавала ў канструктарскім бюро на ВА «Гарызонт» тэхнікам-архітэктарам. Вучылася на аддзяленні паэзіі Літаратурнага інстытута ў Маскве (1986—1987), затым перавялася на беларускае аддзяленне філалагічнага факультэта БДУ, які скончыла ў 1994 годзе. Працавала загадчыцай аддзела крытыкі ў часопісе «Першацвет», загадчыцай аддзела мовы ў газеце «Наша слова». З 1996 года працавала ў аддзеле крытыкі штотыднёвіка «Літаратура і мастацтва», з 2002 — рэдактаркай аддзела літаратуры. З 2003 па жнівень 2020 года працавала аглядальніцай аддзела культуры газеты «СБ. Беларусь сегодня»^[1]. З верасня 2020 года працуе ў газеце «Звязда» загадчыцай аддзела культуры.

У 2002 годзе разам з мужам Віктарам Шніпам пры газеце «Літаратура і мастацтва» стварыла літаратурную суполку «Літаратурны квартал», які з цягам часу перарос у «Літаратурнае прадмесце», кіраўніца літаратурнай суполкі.

Творчасць

Дэбютавала вершам у 1983 годзе ў газеце «Знамя юности».

Гісторыяцэнтрычныя творы Людмілы Рублеўскай некаторыя беларускія крытыкі пахвальна параўноўваюць з «меладраматычнымі інтэрпрэтацыямі» мастацкіх ідэй Уладзіміра Караткевіча. Так, падзеі ў яе рамане «Золата забытых магіл» (2005) адбываюцца паралельна ў найбольш цікавыя для Караткевіча часы паўстання Кастуся Каліноўскага і ў наш час. А гераіня аповесці «Пярсцёнак апошняга імператара» (2005) спазнае трагічную і гераічную гісторыю свайго роду, які выяўляецца каралеўскім^[2].

Член Саюза беларускіх пісьменнікаў з 1990 года.

Бібліяграфія

Зборнікі паэзіі

• «Крокі па старых лесвіцах» (1990)
• «Адукацыя» (1990)
• «Замак месячнага сяйва» (1992)
• «Застаюся» (1996)
• «Балаган»(2000)
• «Рыцарскія хронікі» (2001)
• «Над замкавай вежай»(2003)
• «Шыпшына для Пані». Вершы, эсэ.(2007)
• «Вяртанне Інфанты»(2015)
• «Сад камянёў» (2025)

Проза

• «Старасвецкія міфы горада Б». Апавяданні. (2002)
• «Сэрца мармуровага анёла». Аповесці, апавяданні. (2003)
• «Пярсцёнак апошняга імператара». Аповесці, апавяданні. (2005)
• «Ночы на Плябанскіх Млынах». Раман, аповесці, апавяданні. (2013)
• «Сутарэнні Ромула». Раманы. (2010)
• «Сэрца мармуровага анёла». Раман, аповесці.(2012)
• «Дагератып». Раман.(2017)
• «Пантофля Мнемазіны». Раман. (2018)

Серыя раманаў «Авантуры Пранціша Вырвіча»

• «Авантуры Пранціша Вырвіча, шкаляра і шпега» (2012, 2020)
• «Авантуры студыёзуса Вырвіча» (2014)
• «Авантуры драгуна Вырвіча» (2014)
• «Авантуры Пранціша Вырвіча, канфедэрата і здрадніка» (2017)
• «Авантуры Вырвіча з банды Чорнага Доктара» (2019)
• «Авантуры Вырвіча, Лёдніка і Чорнай Меланхоліі» (2020)
• «Авантуры Пранціша Вырвіча, маршалка Менскага» (2023)

Кнігі для дзяцей

• «Прыгоды мышкі Пік-Пік». Казкі. (2000)
• «Прыгоды мышкі Пік-Пік». Казкі. (2007 (Беласток, Польша))
• «Карона на дне віра, альбо Казкі з хутара Юстыны». Казкі. (2008)
• «Прыгоды мышкі Пік-Пік». Казкі. (2008)
• «Прыгоды мышкі Пік-Пік». Казкі. (2011)
• «Прыгоды мышкі Пік-Пік». Казкі. (2018)
• «Прыгоды мышкі Пік-Пік». Казкі (2021)
• «Прыгоды мышкі Пік-Пік. Знаёмства з гарэзай». Казкі (2025)
• «Прыгоды мышкі Пік-Пік. Новыя гісторыі». Казкі (2025)
• «Прыгоды мышкі Пік-Пік. Зноў сваволіць». Казкі (2025)
• «Прыгоды мышкі Пік-Пік. Цукерачныя гісторыі». Казкі (2025)

Драматургія

• «Людвіка і Фабіян». П’еса на падставе архіўных дакументаў. Сумесна з В.Скалабанам. (2006).

Публіцыстыка і эсэістыка

• «Беседы о философах. От античности до эпохи возрождения». Эсэ. (2004)
• «Я — мінчанін»(на бел., 2003)
• «Я — минчанин». (в перев. на рус., 2006).
• «Время и бремя архивов и имён» (у суаўтарстве з В.Скалабанам). Эсэ па гісторыі беларускай літаратуры. (2009)
• «Рифма ценою в жизнь». Эсэ па гісторыі беларускай літаратуры. (2013)
• «Рыцари и дамы Беларуси. Книга 1».(2013)
• «Рыцари и дамы Беларуси. Книга 2».(2016)
• «Рыцари и дамы Беларуси. Книга 3».(2018)

Мастацкая проза ў перакладзе на рускую мову

• «Пляска смерти». Роман (2011)
• «Жених панны Дануси». Повесть, рассказы (2012)
• «Авантюры Прантиша Вырвича, школяра и шпиона» (2016)

Кнігі серыі «Ретро-библиотека приключений и научной фантастики» (рамка) выдавецтва «Престиж-бук» (Москва). Серыя «Все авантюры Прантиша Вырвича»

• Т.1. «Авантюры Прантиша Вырвича». Романы «Авантюры Прантиша Вырвича, школяра и шпика» и «Пляска смерти». Москва, 2017.
• Т.2. «Авантюры студиозуса Вырвича». Роман «Авантюры студиозуса Вырвича». Цикл рассказов «Старосветские мифы города Б.» Москва, 2017.
• Т.3. «Авантюры драгуна Прантиша Вырвича». Роман «Авантюры драгуна Прантиша Вырвича», повести «Дети гомункулуса» и «Сердце мраморного ангела», цикл «Шляхетские рассказы». Москва, 2020.
• Т.4."Новые авантюры Прантиша Вырвича и Чёрного Доктора". Романы «Авантюры Прантиша Вырвича, изменника и конфедерата» и «Авантюры Вырвича из банды Чёрного Доктора». Москва, 2020.

Кнігі серыі навучальнага чытання Іллі Франка

• «Белорусский с Людмилой Рублевской. Старосветские мифы города Б.» Москва, 2018.
• «Белорусский с Людмилой Рублевской. Ночи на Плебанских мельницах». Москва, 2019.

У перакладзе на украінскую мову

• «Гра в Альбарутенію». Раман, аповесць, апавяданні. Кіеў, 2012.

Узнагароды

Вонкавыя відэафайлы
	Выпуск праграмы «Дыяблог. Пра літаратуру» на тэлеканале «Беларусь 3» з удзелам Людмілы Рублёўскай. 15 кастрычніка 2015

Вонкавыя відэафайлы
	Выпуск праграмы «Суразмоўцы» на тэлеканале «Беларусь 3» з удзелам Людмілы Рублёўскай. 24 верасня 2018

• 2003 — пераможца конкурсу драматургіі «Купалавы далягляды»
• 2010 — пераможца літаратурнага конкурсу «Жанчына ў сучасным грамадстве» (Беларусь-Швецыя)
• медаль Францыска Скарыны (2011)^[3],
• 2011 — прэмія імя Францішка Багушэвіча, за раман «Сутарэнні Ромула»
• 2012 — прэмія Саюза журналістаў Беларусі «Залатое пяро»
• 2014 — прэмія «Залаты апостраф»
• 2014 — прэмія Саюза журналістаў Беларусі «Залатое пяро»
• 2015 — прэмія «Кніга году-2015» за раман «Авантуры студыёзуса Вырвіча»
• 2017 — прэмія Ежы Гедройца, ІІ месца за раман «Дагератып»
• 2017 — Нацыянальная літаратурная прэмія ў намінацыі «Найлепшы празаічны твор» — за раман «Авантуры Пранціша Вырвіча, здрадніка і канфедэрата»^[4]

Зноскі

1. Пісьменніца Людміла Рублеўская звольнілася з «СБ. Беларусь сегодня» (нявызн.). novychas.by (22 верасня 2020). Праверана 25-1-2021.
2. Алег Грушэцкі Беларускі дэтэктыў. Міфы і рэальнасць // Літаратура і мастацтва : газета. — Мн.: Саюз пісьменнікаў Беларусі, 18 ліпеня 2014. — В. 4777. — № 28. — С. 6. — ISSN 0024-4686. Архівавана з першакрыніцы 22 ліпеня 2014.
3. Указ Прэзідэнта Рэспублікі Беларусь ад 26 кастрычніка 2011 года № 491 «Аб узнагароджанні дзяржаўнымі ўзнагародамі Рэспублікі Беларусь» Архівавана 18 кастрычніка 2021.
4. Ларыса Цімошык СЛОЎныя перавагі // Літаратура і мастацтва : газета. — Мн.: РВУ «Звязда», 8 верасня 2017. — В. 4939. — № 36. — С. 4. Архівавана з першакрыніцы 23 верасня 2017.