Лідзія Вальстрэм

У Вікіпедыі ёсць артыкулы пра іншых людзей з прозвішчам Вальстрэм.

Лідзія Вальстрэм (шведск.: Lydia Wahlström; 28 чэрвеня 1869 — 2 чэрвеня 1954) — шведская феміністка, гісторык і пісьменніца.

Лідзія Вальстрэм
шведск.: Lydia Wahlström[1]
Род дзейнасці	пісьменніца, гісторык, актывіст за права жанчын, суфражыстка
Дата нараджэння	28 чэрвеня 1869(1869-06-28)[2][3][…]
Месца нараджэння	Лундбю[d], Швецыя[3][4]
Дата смерці	2 чэрвеня 1954(1954-06-02)[2] (84 гады)
Месца смерці	Johannes parish[d], Стакгольм[2]
Грамадзянства	Швецыя[5][6]
Месца працы	Country Association for Women's Suffrage[d] Stockholmsföreningen för kvinnans politiska rösträtt[d]
Альма-матар	Упсальскі ўніверсітэт[7]
Член у	Fredrika-Bremer-Förbundet[d] (1917) Q98525218?[8] Stockholmsföreningen för kvinnans politiska rösträtt[d][9][10] Fredrika-Bremer-Förbundet[d][9] Stockholmsföreningen för kvinnans politiska rösträtt[d][6]
Медыяфайлы на Вікісховішчы

Біяграфія

Нарадзілася 28 чэрвеня 1869 ў Лундбю ў сям’і Юхана Густава Вальстрэма і яго жонкі Іды Рэбекі Шміт, у Лідзіі былі яшчэ тры старэйшыя сёстры.

У 1888 годзе Вальстрэм паступіла ва Упсальскі ўніверсітэт, які скончыла праз тры гады бакалаўрам мастацтваў у гісторыі, скандынаўскіх мовах і паліталогіі. У 1898 годзе ў ім жа абараніла дысертацыю на тэму адносін Швецыі і Даніі ў 1788—1789 гадах. У 1892 годзе Лідзія заснавала «Упсальскую жаночую студэнцкую асацыяцыю» і стала яе першай старшынёй. Сябрамі асацыяцыі былі першыя студэнткі ў Швецыі, якія насілі студэнцкі капялюш, што ў тыя часы не было прынята. Вучылася ў дактарантуры, выкладала хрысціянства ва ўніверсітэце.

Увесну 1899 года Лідзія Вальстрэм пераехала ў Англію, дзе працавала ў школе для дзяўчынак. Вярнуўшыся ў Швецыю, яна стала працаваць завучам ў Стакгольме ў школе Åhlinska skolan. Лідзія была крыніцай натхнення для многіх яе вучаніц, уключаючы Карын Бое, з якой яна таксама пасябравала.

Грамадская дзейнасць

Лідзія была адным з заснавальнікаў Нацыянальнай асацыяцыі па выбарчым праве жанчын (Landsföreningen för kvinnans politiska rösträtt, LKPR) і яе старшынёй у 1907—1911 гадах. Яшчэ ў студэнцкія гады яна стала сябрам Асацыяцыі Фрэдрыкі Брэмер (Fredrika Bremer-förbundet).

Была сузаснавальнікам Стакгольмскай асацыяцыі за палітычнае права жанчын у галасаванні ў 1902 годзе і Асацыяцыі жанчын-навукоўцаў у 1904 годзе. У 1906 годзе яна таксама ўдзельнічала ў фарміраванні суполкі рэлігійных навук у Стакгольме і была членам яго савета на працягу некалькіх гадоў.

20 чэрвеня 1911 года адбылося пасяджэнне Цэнтральнага савета LKPR, на якім Лідзія Вальстрэм афіцыйна падала ў адстаўку, але працягвала працаваць над артыкуламі для абмеркавання і публічных выступаў.

Пасля выхаду на пенсію ў 1934 годзе Вальстрэм была актыўным лектарам, падарожнічала з выступамі па краіне. Падчас Грамадзянскай вайны ў Іспаніі працавала ў Камітэце жанчын па справах дзяцей Іспаніі. У 1940-1945 гадах удзельнічала ў дзейнасці антынацысцкай асацыяцыі Tisdagsklubben.

Пісьменніцтва

Лідзія Вальстрэм стварала творы больш за 60 гадоў: пісала гістарычныя працы і вялікую колькасць артыкулаў на тэму права голасу жанчын.

На працягу першага дзесяцігоддзя XX стагоддзя яна напісала біяграфію Біргіты Шведскай, а таксама некалькі гістарычных работ аб Швецыі і Англіі. У 1920-х гадах апублікавала тры рамана з аўтабіяграфічнымі элементамі: Daniel Malmbrink, Sin fars dotter і Biskopen. Апошнія яе працы былі напісаны ў 1950-х гадах.

Зноскі

1. http://www2.ub.gu.se/kvinndata/portaler/rostratt/pdf/rostrattsfragan.pdf
2. 18690628-052 Wahlström, Lydia Katarina // Sveriges dödbok Праверана 22 снежня 2018.

   <a href='https://wikidata.org/wiki/Track:Q10686079'></a>
3. Västerås Lundby kyrkoarkiv, Födelse- och dopböcker, SE/ULA/10866/C/6 (1861-1879), bildid: A0012265_00035 Праверана 22 снежня 2018.

   <a href='https://wikidata.org/wiki/Track:Q10501038'></a><a href='https://wikidata.org/wiki/Track:Q64166606'></a>
4. Lydia Catharina, f. 1869 i Lundby Västmanlands län // Swedish Census 1880 — Riksarkivet. Праверана 22 снежня 2018.

   <a href='https://wikidata.org/wiki/Track:Q1724971'></a><a href='https://wikidata.org/wiki/Track:Q49213654'></a>
5. Till regeringen från svenska kvinnor ingifna skrifvelser i rösträttsfrågan 1905–1906 — Björck & Börjesson, 1906. — 48 с.

   <a href='https://wikidata.org/wiki/Track:Q101091560'></a><a href='https://wikidata.org/wiki/Track:Q101091498'></a>
6. https://core.ac.uk/download/pdf/83629477.pdf
7. Lydia Katarina Wahlström // (unspecified title) Праверана 23 снежня 2018.
8. Thora Alfhilda Evelina Wigardh Праверана 20 жніўня 2020.
9. Till regeringen från svenska kvinnor ingifna skrifvelser i rösträttsfrågan 1905-1906 — 1906. Праверана 3 лістапада 2020.
10. d:r Lydia Wahlström // Årsberättelser för Landsföreningen och Lokalföreningarna för kvinnans politiska rösträtt 1910 — Stockholm: Oskar Eklunds boktryckeri. — С. 64. Праверана 21 лістапада 2023.

    <a href='https://wikidata.org/wiki/Track:Q1754'></a><a href='https://wikidata.org/wiki/Track:Q123502549'></a><a href='https://wikidata.org/wiki/Track:Q123502485'></a><a href='https://wikidata.org/wiki/Track:Q101219223'></a>