Лізавета Сяргееўна Круглікава

У Вікіпедыі ёсць артыкулы пра іншых людзей з прозвішчам Круглікава.

Лізавета Сяргееўна Круглікава (руск.: Елизаве́та Серге́евна Кру́гликова; фр.: Elizabeth de Krouglicoff; 19 [31] студзеня 1865, Санкт-Пецярбург — 21 ліпеня 1941, Ленінград) — руская мастачка, графік, майстар эстампа.

Лізавета Сяргееўна Круглікава
руск.: Елизавета Сергеевна Кругликова
Імя пры нараджэнні	руск.: Елизавета Сергеевна Кругликова
Дата нараджэння	19 (31) студзеня 1865[1]
Месца нараджэння	Санкт-Пецярбург, Расійская імперыя[2]
Дата смерці	21 ліпеня 1941(1941-07-21)[3][4][…] (76 гадоў)
Месца смерці	Ленінград, РСФСР, СССР[5][6]
Месца пахавання	Літаратарскія масткі[d]
Грамадзянства	Расійская імперыя  СССР
Род дзейнасці	мастачка, мастак-гравёр, ілюстратарка
Вучоба	Маскоўскае вучылішча жывапісу, скульптуры і дойлідства Académie Vitti[d] Акадэмія Каларосі[d]
Уплыў на	Q111290030? і Matvey Dobrov[d]
Медыяфайлы на Вікісховішчы

Біяграфія

З 1890 па 1895 год навучалася ў Маскоўскім вучылішчы жывапісу, скульптуры і дойлідства ў якасці вольнаслухача.

З 1895 па 1914 год жыла ў Парыжы, наведвала студыю А. Віці і Акадэмію Каларосі. У 1909—1914 гадах выкладала ў акадэміі La Pallette (курс «афорт»). У майстэрні Круглікавай на Манпарнасе (вул. Буасанад, 17) збіраўся Рускі мастацкі гурток (ён жа «Манпарнас»), які наведвалі як рускія, так і французскія мастакі, пісьменнікі і паэты.

У 1922—1929 гадах выкладала графіку ў Акадэміі мастацтваў у Ленінградзе.

У 1938 і 1939 гадах мастак Міхаіл Несцераў стварыў два партрэты Лізаветы Круглікавай, першы быў прызнаны вельмі ўдалым і адразу ж быў набыты Траццякоўскай галерэяй, другі быў набыты Рускім музеем. Ён ствараўся ў Маскве, дзе Круглікава гасцявала ў мастачкі Н. А. Севярцовай у кватэры яе нябожчыка бацькі Аляксея Севярцова. Эскіз другога партрэта быў напісаны ў Колтушах.

Памерла ў 1941 годзе ў Ленінградзе і была пахавана на Літаратарскіх мастках пецярбургскіх Волкаўскіх могілак.

Зноскі

1. Кругликова Елизавета Сергеевна // Литераторы Санкт-Петербурга. XX век / под ред. О. В. Богданова

   <a href='https://wikidata.org/wiki/Track:Q124670547'></a><a href='https://wikidata.org/wiki/Track:Q108611244'></a>
2. RKDartists Праверана 16 студзеня 2018.

   <a href='https://wikidata.org/wiki/Track:Q17299517'></a>
3. FemBio database Праверана 5 мая 2019.

   <a href='https://wikidata.org/wiki/Track:Q61356138'></a>
4. abART Праверана 1 красавіка 2021.

   <a href='https://wikidata.org/wiki/Track:Q107456632'></a>
5. Union List of Artist Names Праверана 18 верасня 2025.

   <a href='https://wikidata.org/wiki/Track:Q110250907'></a><a href='https://wikidata.org/wiki/Track:Q2494649'></a>
6. RKDartists Праверана 18 верасня 2025.

   <a href='https://wikidata.org/wiki/Track:Q17299517'></a>