Лістаногія

Лістаногія (Phyllopoda) — падклас шчэлепаногіх ракападобных. Найбольш прымітыўныя з сучасных ракападобных.

Лістаногія
Triops longicaudatus
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Першаснаротыя Без рангу:  Ecdysozoa Без рангу:  Panarthropoda Тып:  Членістаногія Падтып:  Ракападобныя Клас:  Шчэлепаногія Падклас:  Лістаногія
Міжнародная навуковая назва
Phyllopoda Preuss, 1951
Атрады
Diplostraca Notostraca — Шчытні †Kazacharthra
Сістэматыка на Віківідах Пошук выяў на Вікісховішчы ITIS   609936 NCBI   116557 FW   133204

Апісанне

Даўжыня да 30 мм. Расчляненне цела і канцавін прымітыўнае. Большасць з хіцінавай двухстворкавай ракавінай, на галаве шчыток. Спінны ка­ра­пакс утвораны вырастам задняй часткі галавы. На верх­няй час­тцы гала­вы размешаны ор­ган ос­марэгуляцыі — салявая залоза (у не­като­рых рэдукаваная). Брушка пакарочанае, не нясе канцавін. Сег­мен­ты груд­но­га адзела з бо­льш ці ме­нш аднолькавымі гнуткімі лістападобнымі нож­ка­мі (адсюль назва). Органы руху — да 7 (зрэдку да 70) пар ног і другая пара галінастых вусікаў. Парныя фасетачныя вочы пагружаюцца ў сум­ку, якая адкрываецца ў вонкавае асяроддзе порай.

Пашырэнне

Выдзяляюцца 2 сучасных атрады: Diplostraca і шчытні (Notostraca), і адзін выкапневы Kazacharthra.

Больш за 600 відаў. Пашыраны ўсюды, пераважна ва ўнутраных вадаёмах, у тым ліку часовых. Выкапнёвыя вядомы з марскіх (кембрый—дэвон) і кантынентальных (карбон—антрапаген) адкладаў. Найбольш вядомыя — дафніі (Daphnia), шчытні (Notostraca), басміна даўгадзюбая (Bosmina longirostris) і інш.

Асаблівасці біялогіі

Раздзельнаполыя, размнажэнне часта шляхам партэнагенезу. Развіццё прамое або з метамарфозай. Кормяцца пераважна мікраарганізмамі, дэтрытам, адцэджваюць арганічную ўзвесь груднмі ножкамі. Фільтратары, індыкатары забруджвання вады.

Некаторыя лістаногія (дафніі (Daphnia), басміны (Bosmina) і інш.) — корм для рыб.