Лейба Мордухавіч Кантаровіч

Лейба Мордухавіч Кантаровіч (26 лютага 1915, Дукора, Мінская вобласць — ?) — беларускі інжынер-эканаміст.

Лейба Мордухавіч Кантаровіч
Дата нараджэння	26 лютага 1915(1915-02-26)
Месца нараджэння	Дукора, Ігуменскі павет, Мінская губерня, Расійская імперыя
Дата смерці	невядома
Грамадзянства	СССР
Род дзейнасці	інжынер-эканаміст
Месца працы	Мінскі гарадскі выканаўчы камітэт Мінскпраект
Альма-матар	Беларускі дзяржаўны інстытут народнай гаспадаркі імя В. У. Куйбышава (1940)
Партыя	КПСС
Член у	Саюз архітэктараў СССР Беларускі саюз архітэктараў

У Вікіпедыі ёсць артыкулы пра іншых людзей з прозвішчам Кантаровіч.

Біяграфія

Скончыў Беларускі інстытут народнай гаспадаркі ў 1940 годзе. Член КПСС з 1940 года. Удзельнік Вялікай Айчыннай вайны.

Працаваў намеснікам старшыні гарплана Мінгарвыканкама, з 1961 па 1981 гады — галоўным эканамістам майстэрні генплана, старшым інжынерам тэхаддзела ў Мінскпраекце.

Член Саюза архітэктараў СССР з 1966 года. Пражываў у Мінску.

Дзейнасць

У складзе аўтарскіх калектываў удзельнічаў у распрацоўцы генпланаў Мінска (1961—1980), праектаў размяшчэння будаўніцтва, ПДП жылых раёнаў Чыжоўка, Усход, Серабранка, у забудове жылых раёнаў Усход-1, Зялёны Луг-5 у Мінску (1966—1976).

Узнагароды

Узнагароджаны медалямі, 1-я прэмія на рэспубліканскім конкурсе за распрацоўку праекта цэнтра Мінска (1968, у аўтарскім калектыве).

Зноскі