Леанід Раманавіч Брэль

Леанід Раманавіч Брэль (нар. 13 ліпеня 1938, Магілёў) — беларускі архітэктар.

Леанід Раманавіч Брэль
Дата нараджэння	13 ліпеня 1938(1938-07-13) (87 гадоў)
Месца нараджэння	Магілёў, Магілёўская вобласць, Беларуская ССР, СССР
Грамадзянства	СССР  Беларусь
Альма-матар	БПІ (1966)
Месца працы	Мінскае праектна-вытворчае мэблевае аб'яднанне[d] Дзяржкамітэт Рэспублікі Беларусь па архітэктуры і будаўніцтве БелНДІПгорадабудаўніцтва
Партыя	КПСС
Член у	Саюз архітэктараў СССР Беларускі саюз архітэктараў

У Вікіпедыі ёсць артыкулы пра іншых людзей з прозвішчам Брэль.

Біяграфія

Скончыў Беларускі політэхнічны інстытут у 1966 годзе. Працаваў у эксперыментальна-канструктарскім бюро мэблі Мінляспрама БССР, з 1966 года — намеснік начальніка аддзела, з 1975 года — начальнік аддзела ў Дзяржбудзе БССР, з 1982 года — кіраўнік майстэрні ў БелНДІПгорадабудаўніцтва.

Член Саюза архітэктараў СССР з 1973 года. Член КПСС з 1960 года. Пражывае ў г. Мінск.

Творчасць

Асноўныя працы (у аўтарскім калектыве): праекты па абсталяванні і мэблі для Дзяржаўнага тэатра оперы і балета БССР, Дома мадэляў, гасцініц «Юнацтва», «Турыст», «Юбілейная» (1966—1970) у Мінску, распрацоўкі тэхнічных праектаў забудовы Тэатральнай плошчы ў Віцебску (1976), цэнтра горада і вул. Савецкай у Рэчыцы (1978), рэканструкцыя і добраўпарадкаванне Кургана Дружбы на граніцы БССР, РСФСР і Латвійскай ССР (1983), генеральная схема комплекснай тэрытарыяльнай арганізацыі БССР (1987).

Зноскі