Магілёў I

У паняцця ёсць і іншыя значэнні, гл. Магілёў (значэнні).

Магілё́ў-І-на-Дняпры (трансліт.: Mahilioŭ I, руск.: Могилё́в-I-на-Днепре)^[2] — станцыя Магілёўскага аддзялення Беларускай чыгункі ў Магілёўскай вобласці. Размешчана ў горадзе Магілёве.

Станцыя
Магілёў-І-на-Дняпры
Беларуская чыгунка
Аддзяленне чыг.	Магілёўскае аддзяленне
Дата адкрыцця	1902 год
Колькасць платформ	3
Колькасць пуцей	9
Код станцыі	156505[1]
Код у АСКЧТ	156609
Код у «Экспрэс-3»	2100150
Магілёў-І-на-Дняпры
Медыяфайлы на Вікісховішчы

Станам на ліпень 2023 года праз станцыю ажыццяўляюцца пасажырскія перавозкі на Брэст, Віцебск, Гомель, Гродна, Маскву, Мінск, Оршу, Полацк, Салігорск, Санкт-Пецярбург.

Гісторыя

У 1900 годзе Мікалай ІІ зацвердзіў палажэнне, якое прадугледжвала пабудову чыгуначнага шляху ад Віцебска да станцыі Жлобін. Станцыя Магілёў задумвалася як пасажырская — запланаваны даволі буйны вакзал. Праект вакзала прадугледжваў модную тым часам калідорную сістэму планіроўкі. Прасторавая структура будынка мела строга сіметрычнае рашэнне з двума невялікімі прыбудовамі ў тарцах.

З 19 па 21 снежня 1902 года камісія пад старшынствам старшага інспектара-інжынера В. М. Панова прымала і аглядала станцыю Магілёў. У акце агляду пад п. 27 паведамляецца «вакзал станцыі Магілёў абліцаваны кіеўскай цэглай, дах пакрыты 12-фунтовым ліставым жалезам. Ёсць цэнтральнае ацяпленне па сістэме Кайфера. Ёсць памяшканне на вакзале для часовага знаходжання членаў урада».

Вакзал станцыі Магілёў урачыста адкрыты ў 1902 годзе. Пасажыраў на вакзал дастаўлялі рамізнікі, а ў 1911 годзе з'явіліся два таксаматоры, іх уладальнікам быў Самуіл Сагал – дзед мастака Марка Шагала^{[крыніца?]}.

У 1914-1915 гадах на станцыі Магілёў ваенным санітарам праходзіў вайсковую службу паэт Сяргей Ясенін.

У жніўні 1915 года нямецкія войскі ўварваліся на тэрыторыю Беларусі, У сувязі з чым Стаўка Вярхоўнага Галоўнакамандуючага расійскай арміі перамешчана ў Магілёў. На станцыі Магілёў пабудаваны спецыяльны тупік для царскага цягніка.

Падчас Вялікай Айчыннай вайны праз станцыю адбывалася эвакуацыя людзей і абсталявання, будынак вакзала сур'ёзна разбураны, але ўжо ў 1945 годзе зроблены яго капітальны рамонт.

У 1956-2004 гадах зроблены шэраг рэканструкцый вакзальнага комплексу. У выніку рэканструкцыі 2000-2004 гадоў пасажырскі комплекс вакзала станцыі Магілёў атрымаў сучасны выгляд.

Дзейнасць

• Продаж пасажырскіх білетаў;
• Прыём і выдача багажу;
• Прыём і выдача павагонных адправак грузаў (адкрытыя пляцоўкі);
• Прыём і выдача павагонных і дробных адправак (пад’язныя шляхі) ^[3]

Гл. таксама

• Будынак чыгуначнага вакзала

• Даўнія выявы будынка вакзала
• 
  1901
• 
  1910
• 
  1915
• 
  1918
• 
  Май 1942

Зноскі

1. Адзіная сеткавая разметка
2. Магілёў I на сайце Дзяржаўнага цэнтра картографа-геадэзічных матэрыялаў і даных Рэспублікі Беларусь
3. Камерцыйныя аперацыі на станцыі Магілёў I-на-Дняпры