Майсееўка (Буда-Кашалёўскі раён)

У паняцця ёсць і іншыя значэнні, гл. Маісееўка (значэнні).

Майсе́еўка^[1] (трансліт.: Majsiejeŭka, руск.: Мойсеевка) — вёска ў Буда-Кашалёўскім раёне Гомельскай вобласці. Уваходзіць у склад Рагінскага сельсавета.

Вёска Майсееўка Краіна Беларусь Вобласць Гомельская Раён Буда-Кашалёўскі Сельсавет Рагінскі Каардынаты 52°55′54″ пн. ш. 30°37′54″ у. д.HGЯO Першая згадка XIX стагоддзе Ранейшыя назвы Новыя Галаўні Насельніцтва ▲68 чал. (2009) Часавы пояс UTC+3 Тэлефонны код +375 2336 Аўтамабільны код 3 Майсееўка Майсееўка

Геаграфія

Размяшчэнне

У 25 км на паўночны ўсход ад раённага цэнтра і чыгуначнай станцыі Буда-Кашалёўская (на лініі Жлобін — Гомель), 55 км ад Гомеля.

Транспартная сетка

Шаша Доўск — Гомель. Планіроўка складаецца з крывалінейнай вуліцы з трыма завулкамі, арыентаванай з паўднёвага захаду на паўночны ўсход. На поўдзень ад галоўнай размешчана кароткая мерыдыянальная (па адодвух баках шашы) вуліца. Забудова драўляная сядзібнага тыпу.

Гісторыя

Па пісьмовых крыніцах вядомая з канца XIX стагоддзя як вёска, заснаваная перасяленцамі пераважна з вёска Галаўні, у Мяркулавіцкай воласці Рагачоўскага павета Магілёўскай губерні. Па перапісу 1897 года знаходзіліся хлебазапасны магазін і з 1884 года заезны дом. У 1909 годзе 326 дзесяцін зямлі.

У 1925 годзе ў Прыбарскім сельсавеце Гарадзецкага раёна Бабруйскай акругі. У 1930 годзе арганізаваны калгас, працавала гамарня. Падчас Вялікай Айчыннай вайны 12 жыхароў вёскі загінулі ад рук акупантаў, 33 жыхара вёскі загінулі на франтах. У 1959 годзе ў складзе саўгаса «Дзербічы» (цэнтр — вёска Дербічы).

Насельніцтва

Колькасць

• 2004 год — 38 гаспадарак, 64 жыхара.

Дынаміка

• 1897 год — 32 двары, 205 жыхароў (паводле перапісу).
• 1909 год — 40 двароў, 235 жыхароў.
• 1925 год — 61 двор.
• 1959 год — 360 жыхароў (паводле перапісу).
• 2004 год — 38 гаспадарак, 64 жыхара.

Зноскі

1. Назвы населеных пунктаў Рэспублікі Беларусь: Гомельская вобласць: нарматыўны даведнік / Н. А. Багамольнікава і інш.; пад рэд. В. П. Лемцюговай. — Мн.: Тэхналогія, 2006. — 382 с. ISBN 985-458-131-4 (DJVU).