Макар Паўлавіч Абрамчук

У Вікіпедыі ёсць артыкулы пра іншых людзей з прозвішчам Абрамчук.

Мака́р Па́ўлавіч Абрамчу́к (верасень 1898, в. Дзмітровічы, Камянецкага раёна — 2 лістапада 1937, Барнаул, РСФСР) — дзяржаўны і партыйны дзеяч БССР. Настаўнік.

Макар Паўлавіч Абрамчук
Макар Паўлавіч Абрамчук
Сакратар ЦК КП(б)Б 27 ліпеня 1926 — 11 верасня 1928
Нараджэнне	1898(1898) в. Дзмітровічы, Камянецкага раёна
Смерць	2 лістапада 1937(1937-11-02) Барнаул, РСФСР

Біяграфія

Член РКП(б) з 1919 г. У 1919—1921 гг. у Чырвонай Арміі. З 1921 г. у Мінску; загадчык павятовага, затым акруговага аддзелаў народнай асветы. У 1925—1926 гг. член калегіі Наркамата асветы БССР. З 1926 г. загадчык агітацыйна-прапагандысцкага аддзела, сакратар ЦК КП(б)Б.

Член ЦК КП(б)Б у 1925—1928 гг. і Бюро ЦК КП(б)Б у 1927—1928 гг., член ЦВК БССР у 1926—1929 гг. У 1928 г. адкліканы ў распараджэнне ЦК УКП(б).

Рэпрэсіраваны ў 1937 г. У сакавіку 1938 г. арыштаваны, а у красавіку выключаны з партыі Алтайскім крайкамам УКП(б). Прысуджаны да расстрэлу 2 лістапада 1938 г. Рэабілітаваны пасмяротна.

Зноскі