Марачынскі сельсавет

Марачы́нскі сельсавет — былая адміністрацыйна-тэрытарыяльная адзінка ў складзе Зэльвенскага раёна Гродзенскай вобласці. Цэнтр — вёска Марачы.

Марачынскі сельсавет
Краіна	Беларуская ССР
Уваходзіў у	Зэльвенскі раён
Адміністрацыйны цэнтр	Марачы
Дата ўтварэння	12 кастрычніка 1940
Дата скасавання	19 снежня 1974

Утвораны 12 кастрычніка 1940 года як Крывіцкі сельсавет у складзе Зэльвенскага раёна Баранавіцкай вобласці БССР. Цэнтр — вёска Крывічы. З 20 верасня 1944 года ў складзе Гродзенскай вобласці. 25 лютага 1961 года цэнтр сельсавета перанесены ў вёску Марачы, сельсавет перайменаваны ў Марачынскі^[1]. З 17 красавіка 1962 года ў складзе Мастоўскага раёна, з 25 снежня 1962 года — Ваўкавыскага раёна, з 6 студзеня 1965 года — Мастоўскага раёна, з 30 ліпеня 1966 года — адноўленага Зэльвенскага раёна. 19 снежня 1974 года скасаваны, тэрыторыя далучана да Дзярэчынскага сельсавета^[2].