Марозавічы (Брэсцкі раён)

У паняцця ёсць і іншыя значэнні, гл. Марозавічы.

Маро́завічы^[1] (трансліт.: Marozavičy, руск.: Морозовичи) — вёска ў Брэсцкім раёне Брэсцкай вобласці. Уваходзіць у склад Лышчыцкага сельсавета. Размешчаны за 30 кіламетраў на паўночны захад ад Брэста, 5 кіламетраў ад чыгуначнай станцыі Лышчыцы.

Вёска Марозавічы Краіна Беларусь Вобласць Брэсцкая Раён Брэсцкі Сельсавет Лышчыцкі Каардынаты 52°17′33″ пн. ш. 23°31′35″ у. д.HGЯO Насельніцтва ▲74 чал. (2019) Часавы пояс UTC+3 Тэлефонны код +375 162 Аўтамабільны код 1 СААТА 1212820041 Марозавічы на карце Беларусі ±

Марозавічы на Вікісховішчы

Гісторыя

У XIX стагоддзі вёска — цэнтр дзяржаўнага маёнтка ў Брэсцкім павеце Гродзенскай губерні. Маёнтак складаўся з фальварка і аднайменнай вёскі. Вёска з’яўлялася цэнтрам сялянскай грамады. Дзейнічалі народнае вучылішча і карчма. У 1809 годзе маёнтак належаў В. Лышчынскай, якая мела 1080 дзесяцін зямлі. У 1897 годзе ў Лышчыцкай воласці.

Паводле Рыжскага мірнага дагавора 1921 года ў складзе Польская Рэспублікі, у Лышчыцкай гміне Брэсцкага павета Палескага ваяводства. З 1939 года ў складзе БССР. У Вялікую Айчынную вайну загінулі 4 вяскоўцы.

Да 18 кастрычніка 1982 года вёска ўваходзіла ў склад Малазводскага сельсавета Камянецкага раёна^[2].

Знаходзіцца ў складзе сельскагаспадарчага прадпрыемства «Астрамечава».

Насельніцтва

• 36 гаспадарак, 66 жыхароў (2005)
• 51 двор, 215 жыхароў (1876)
• 409 жыхароў (1897)
• 36 двароў, 168 жыхароў (1921)

Вядомыя ўраджэнцы і жыхары

• Вера Якаўлеўна Ляшук, беларускі літаратуразнавец

Зноскі

1. Назвы населеных пунктаў Рэспублікі Беларусь: Брэсцкая вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2010.— 318 с. ISBN 978-985-458-198-9. (DJVU)
2. Рашэнне выканкома Брэсцкага абласнога Савета народных дэпутатаў ад 18 кастрычніка 1982 г. // Збор законаў Беларускай ССР, указаў Прэзідыума Вярхоўнага Савета Беларускай ССР, пастаноў Савета Міністраў Беларускай ССР. — 1982, № 33 (1731).