Марфа Васілеўна Паўлавец

Марфа Васілеўна Паўлавец (25 ліпеня 1916, в. Вяляцічы, Барысаўскі раён — 11 кастрычніка 2007) — беларускі нейрахірург. Доктар медыцынскіх навук (1972). Заслужаны ўрач БССР (1964)^[1].

Марфа Васілеўна Паўлавец
Дата нараджэння	25 ліпеня 1916(1916-07-25)
Месца нараджэння	Вяляцічы, Вяляціцкая воласць[d], Барысаўскі павет, Мінская губерня, Расійская імперыя
Дата смерці	11 кастрычніка 2007(2007-10-11) (91 год)
Месца смерці	Мінск, Беларусь
Грамадзянства	СССР  Беларусь
Род дзейнасці	нейрахірург
Навуковая сфера	нейрахірургія
Навуковая ступень	доктар медыцынскіх навук
Альма-матар	Беларускі медыцынскі інстытут (1939) Ваенна-медыцынская акадэмія імя С. М. Кірава[d]
Узнагароды

У Вікіпедыі ёсць артыкулы пра іншых людзей з прозвішчам Паўлавец.

Біяграфія

Скончыла Мінскі медыцынскі інстытут у 1939 годзе. Удзельніца Вялікай Айчыннай вайны і партызанскага руху ў Беларусі^[1].

З 1948 года ў Беларускім НДІ неўралогіі, нейрахірургіі і фізіятэрапіі, з 1962 года адначасова выкладчык Беларускага інстытута ўдасканальвання ўрачэй^[1].

У 1992—1999 працавала ў Рэспубліканскім дыягнастычным цэнтры Мінска.

Навуковая дзейнасць

Аўтар шматлікіх публікацый па праблемах нейрахірургіі галаўнога мозгу. Працы па пытаннях рэгенерацыі перыферычных нерваў  (руск.), дыягностыцы і лячэння пухлін спіннога мозга  (англ.) і ўнутрымазгавога кравацячэння^[1].

Узнагароды і памяць

Баявы і працоўны шлях адзначаны многімі дзяржаўнымі і ўрадавымі ўзнагародамі, у тым ліку ордэнамі Чырвонай Зоркі, Айчыннай вайны 2 ступені, медалём «За адвагу». Заслужаны ўрач БССР (1964). Ганаровы грамадзянін Барысаўскага раёна (22.06.2004).

У гонар Марфы Паўлавец названа адна з вуліц Барысава^[2].

Зноскі

1. Павловец Марфа Васильевна // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 475. — 737 с.
2. Их именами названы улицы Борисова (руск.)