Марцін Антоні Паўловіч

Марцін Антоні ПАЎЛОВІЧ (польск.: Marek (Marcin) Antoni (Antoniusz) Pawłowicz; 9 лістапада 1789, Лагішын — 24 ліпеня 1830, Варшава) — геолаг, асветнік.

Марцін Антоні Паўловіч
Род дзейнасці	геолаг, мінералог, выкладчык універсітэта
Дата нараджэння	9 лістапада 1789(1789-11-09)[1]
Месца нараджэння	Лагішын, Пінскі павет, Берасцейскае ваяводства, Вялікае Княства Літоўскае[2]
Дата смерці	24 ліпеня 1830(1830-07-24)[1] (40 гадоў)
Месца смерці	Варшава, Царства Польскае, Расійская імперыя[2]
Месца пахавання	Свентакшыскія могілкі ў Варшаве[d]
Грамадзянства	Рэч Паспалітая Царства Польскае[2]
Месца працы	Варшаўскі ліцэй[d][2] Імператарскі Варшаўскі ўніверсітэт[d][2]
Альма-матар	Імператарскі Віленскі ўніверсітэт[2]

У Вікіпедыі ёсць артыкулы пра іншых людзей з прозвішчам Паўловіч.

Біяграфія

Нарадзіўся ў шляхецкай сям’і. Вучыўся ў Віленскай гімназіі, скончыў Віленскі ўніверсітэт. У 1808 годзе атрымаў ступень кандыдата філасофіі. Працаваў настаўнікам Віленскай гімназіі, потым у Віцебску. У 1817 годзе пераехаў у Варшаву. Для вывучэння мінералогіі і геалогіі Варшаўскі ўніверсітэт накіраваў М. Паўловіча ў Парыж і Фрыбург. Па звароце ў Варшаву ўпарадкаваў мінералагічны кабінет універсітэта, загадваў ім.

Навуковая дзейнасць

Склаў 12 калекцый мінералаў для ваяводскіх гімназій. Выкладаў мінералогію ў Варшаўскім ліцэі, быў прафесарам Аляксандраўскага ўніверсітэта ў Варшаве.

Аўтар «Трактата аб уласцівасцях і зачатках базальтаў» (Варшава, 1822), апісання падарожжа ў Італію ў часопісе «Dziennik Warszawski» («Варшаўскі дзённік», 1825), артыкулаў у перыядычным друку. Выдаваў часопіс «Pamietnik fizycznych, matematycznych i statystycznych umiejetnosci…» («Веснік фізічных, матэматычных і статыстычных ведаў», 1829).

Зноскі

1. https://www.ipsb.nina.gov.pl/a/biografia/marek-antoni-pawlowicz
2. Павлович, Мартин // Русский биографический словарь / под ред. А. А. Половцов — СПб.: 1902. — Т. 13. — С. 84.

   <a href='https://wikidata.org/wiki/Track:Q1963546'></a><a href='https://wikidata.org/wiki/Track:Q25871192'></a><a href='https://wikidata.org/wiki/Track:Q1960551'></a><a href='https://wikidata.org/wiki/Track:Q21175484'></a>