Марыя Андрэеўна Жыдовіч

Марыя Андрэеўна Жыдовіч (19 кастрычніка 1906, Дукора — 12 лістапада 1977) — беларускі мовазнавец. Доктар філалагічных навук (1958), прафесар (1960), Заслужаны дзеяч навукі БССР (1971).

Марыя Андрэеўна Жыдовіч
Дата нараджэння	19 кастрычніка 1906(1906-10-19)
Месца нараджэння	Дукора, Ігуменскі павет, Мінская губерня, Расійская імперыя
Дата смерці	12 лістапада 1977(1977-11-12) (71 год)
Род дзейнасці	вучоная, мовазнаўца
Месца працы	БДУ
Навуковая ступень	доктар філалагічных навук (1958)
Навуковае званне	прафесар
Альма-матар	Мінскі дзяржаўны педагагічны інстытут імя Максіма Горкага (1938) Дукорскі навучальна-педагагічны комплекс дзіцячы сад-сярэдняя школа Магілёўскі Беларускі педагагічны тэхнікум (1930) Уральскі дзяржаўны ўніверсітэт імя А. М. Горкага[d]
Узнагароды	Заслужаны дзеяч навукі Рэспублікі Беларусь (1971)

У Вікіпедыі ёсць артыкулы пра іншых людзей з прозвішчам Жыдовіч.

Біяграфія

Скончыла Мінскі педагагічны тэхнікум (1930). Працавала педагогам ў Бярозаўскай сярэдняй школе Хоцімскага раёна. У 1934 годзе паступіла на філалагічны факультэт Мінскага педагагічнага інстытута, затым скончыла аспірантуру Уральскага ўніверсітэта. У 1943 годзе прызначана выкладчыкам беларускай мовы БДУ, які працаваў на станцыі Сходня пад Масквой. З 1944 года дацэнт кафедры беларускай мовы БДУ, у 1951—1953 гадах — дэкан філалагічнага факультэта БДУ.

Дзейнасць

У 1957 годзе выдала падручнік «Курс сучаснай беларускай мовы: Марфалогія». У 1958 годзе абараніла доктарскую дысертацыю «Іменнае скланенне ў беларускай мове: Назоўнік. Ч. 1. Адзіночны лік». Даследавала гаворкі Цэнтральнай Беларусі.

Зноскі