Мастацтва (часопіс)

У паняцця ёсць і іншыя значэнні, гл. Мастацтва (значэнні).

«Маста́цтва» — штомесячны грамадска-палітычны і навукова-папулярны часопіс па пытаннях мастацтва. Асвятляе праблемы эстэтыкі і тэорыі мастацтва, выяўленчага мастацтва, тэатра, кіно і тэлебачання, музыкі, дызайна, народнага мастацтва^[1].

«Мастацтва»
Тып	часопіс
Заснавальнік	Міністэрства культуры Рэспублікі Беларусь
Галоўны рэдактар	Міхаіл Фёдаравіч Раманюк, Яўген Міхайлавіч Сахута, Аляксей Дудараў, Вадзім Аляксеевіч Салееў і Мікола Гіль
Заснавана	1983
Мова	беларуская
Галоўны офіс	Мінск
Вэб-сайт	kimpress.by/mastactva

Гісторыя

Выдаецца са студзеня 1983 года ў Мінску на беларускай мове (да 1992 года пад назвай «Мастацтва Беларусі»)^[2]. З 2002 года з’яўляецца часткай рэдакцыйна-выдавецкай ўстановы «Культура і мастацтва», куды ўваходзіць разам з газетай «Культура».

Сучаснасць

Заснавальнік — Міністэрства культуры Рэспублікі Беларусь. Наклад (на сярэдзіну 2012 года) – каля 2 тысячы асобнікаў.

Рэдакцыйная калегія: Таццяна Арлова, Гаўрыла Вашчанка, Вольга Дадзіёмава, Міхась Дрынеўскі, Інеса Душкевіч, Валерый Жук, Уладзімір Рылатка, Рычард Смольскі, Уладзімір Тоўсцік, Аляксандр Яфрэмаў.

Галоўныя рэдактары

• Міхась Раманюк (1983—1985)
• Яўген Міхайлавіч Сахута (1985—1991)
• Аляксей Дудараў (1991—2002)
• Вадзім Аляксеевіч Салееў (2002—2004)
• Мікола Гіль (2004—2008)
• Людміла Грамыка (2008—2014)
• Алена Каваленка (2015—2021)
• Вераніка Клютчэня (з 2022)