Масье Ір

«Масье́ Ір» (фр.: Monsieur Hire) — французскі мастацкі фільм 1989 года, пастаўлены рэжысёрам Патрысам Леконтам^[6]. Карціна з’яўляецца экранізацыяй рамана Жоржа Сіменона «Заручыны масье Іра».

Масье Ір
фр.: Monsieur Hire
Жанры	крымінальны фільм[d][1], новы нуар[d], драматычны фільм[1] і экранізацыя літаратурнага твору[d]
Рэжысёр	Патрыс Леконт[1][2]
Прадзюсар	Філіп Каркасон[d]
На аснове	Les Fiançailles de M. Hire[d]
Сцэнарысты	Патрыс Леконт Патрык Дэвольф[d][3]
У галоўных ролях	Мішэль Блан[2] Сандрын Банер[2] Андрэ Вільм[d][2] Крысціяна Рэалі[d][3] Філіп Дармуа[d][3] Люк Цюе[d][3]
Аператар	Дэні Ленуар[d]
Кампазітар	Майкл Найман[d]
Працягласць	81 хв.
Краіна	Францыя
Мова	французская
Год	1989, 24 мая 1989[4] і 28 верасня 1989[5]
IMDb	ID 0097904

Прэм’ера фільма адбылася ў маі 1989 года^[7] ў межах конкурснай праграмы 42-га Канскага кінафестывалю^[8]. Фільм быў высока ацэнены як у Францыі, так і за яе межамі.

Сюжэт

Ціхі самотны халасцяк масье Ір, якога падазраюць у забойстве дзяўчыны, любіць таемна назіраць праз акно за сваёй маладой суседкай Алісай, якая жыве ў доме насупраць. Аднойчы, заўважыўшы яго пры выбліску маланкі ў час навальніцы, Аліса прыходзіць да яго дадому, каб даведацца, чаму ён за ёй шпіёніць.

Акцёрскі склад

Мішэль Блан	–   Масье Ір
Сандрын Банер	–   Аліса
Люк Цюе	–   Эміль
Андрэ Вільм	–   інспектар

Музычнае суправаджэнне

Арыгінальную музыку да фільма напісаў кампазітар Майкл Найман. Аднак скразным музычным лейтматывам фільма з’яўляецца Фартэпіянны квартэт № 1^[en] Іаганеса Брамса.

Крытыка

Вядомы амерыканскі кінакрытык Роджэр Эберт адзначыў фільм чатырма зоркамі з чатырох магчымых і занёс ў свой спіс «Выдатных фільмаў»^[9].