Махавэ (пустыня)

Махавэ — пустыня на паўднёвым захадзе Злучаных Штатаў Амерыкі, займае значную частку паўднёвай Каліфорніі, паўднёвы захад Юты, поўдзень Невады і паўночны захад Арызоны.

Махавэ
ісп. Mojave
35°00′30″ пн. ш. 115°28′30″ з. д.HGЯO
Размяшчэнне	ЗША
Плошча	35 000 км²
Рэкі	Махавэ
Махавэ
Медыяфайлы на Вікісховішчы

У паняцця ёсць і іншыя значэнні, гл. Махавэ.

Плошча пустыні — звыш 35 000 км². На паўночным усходзе пустыня абмежаваная горным масівам Тэхачапі (англ.: Tehachapi Mountains), на поўдні хрыбтамі Сан-Гэйбрыел і Сан-Бернардына. Межы гор пазначаныя даволі выразна, бо яны вылучаныя двума вялікімі геалагічнымі разломамі: Сан-Андрэас і Гарлак. Бясцёкавая вобласць Вялікі Басейн ляжыць на поўнач ад пустыні, больш гарачая пустыня Санора на поўдзень.

На тэрыторыі пустыні размешчаны нацыянальны запаведнік Махавэ і нацыянальны парк Джошуа-Тры, а таксама знаходзіцца самае нізкае і самае спякотнае месца Паўночнай Амерыкі — нацыянальны парк Даліна Смерці, дзе ў ліпені—жніўні тэмпература звычайна падымаецца да +50 °C.

Літаратура

• Беларуская энцыклапедыя: У 18 т. Т. 10: Малайзія — Мугаджары / Рэдкал.: Г. П. Пашкоў і інш. — Мн. : БелЭн, 2000. — Т. 10. — 544 с. — 10 000 экз. — ISBN 985-11-0035-8. — ISBN 985-11-0169-9 (т. 10).