Махаўскі сельсавет

Ма́хаўскі сельсавет — адміністрацыйна-тэрытарыяльная адзінка ў складзе Магілёўскага раёна Магілёўскай вобласці Беларусі. Цэнтр — аграгарадок (да 2010 года вёска) Махава.

Махаўскі сельсавет
Краіна	Беларусь
Уваходзіць у	Магілёўскі раён
Уключае	13 населеных пунктаў
Адміністрацыйны цэнтр	Махава
Дата ўтварэння	20 жніўня 1924, 4 чэрвеня 1965
Дата скасавання	22 ліпеня 1960
Старшыня сельсавета	Ермалаеў Аляксандр Генрыхавіч
Кіраўнік спраў	Белая Ала Віктараўна
Насельніцтва (2019)	825
Часавы пояс	UTC+03:00
Тэлефонны код	+375 212
Код аўтам. нумароў	6
Афіцыйны сайт

Гісторыя

Утвораны 20 жніўня 1924 года ў складзе Лупалаўскага раёна Магілёўскай акругі БССР. Пасля скасавання акруговай сістэмы 26 ліпеня 1930 года ў Лупалаўскім раёне БССР. З 2 сакавіка 1931 года ў складзе Магілёўскага раёна БССР, з 20 лютага 1938 года — Магілёўскай вобласці. 22 ліпеня 1960 года скасаваны, тэрыторыя далучана да Нядашаўскага сельсавета^[1].

4 чэрвеня 1965 года Махаўскі сельсавет утвораны зноў у складзе 13 населеных пунктаў: Баброва, Вялікая Дубраўка, Запруддзе, Косцінка, Латанаўка, Ліпец, Малая Дубраўка, Малы Асавец, Махава, Пусты Асавец, Растаполле, Старая Мілееўка і Халмы, якія ўваходзілі ў склад Нядашаўскага сельсавета^[2].

Насельніцтва

Насельніцтва сельсавета паводле перапісу 2009 года — 1138 чалавек^[3], з іх 94,4 % — беларусы, 3,4 % — рускія, 1,1 % — украінцы, 0,7 % — грузіны^[4]; паводле перапісу 2019 года — 825 чалавек^[5].

Склад

У склад сельсавета ўваходзяць 13 населеных пунктаў (2019 г.):

Населены пункт	Статус	Насельніцтва, 2009[3]	Насельніцтва, 2019[5]
Баброва	вёска	21	8
Вялікая Дубраўка	вёска	12	16
Запруддзе	вёска	9	7
Косцінка	вёска	124	81
Латанаўка	вёска	1	0
Ліпец	вёска	99	50
Малая Дубраўка	вёска	17	6
Малы Асавец	вёска	84	41
Махава	аграгарадок	529	438
Пусты Асавец	вёска	37	22
Растаполле	вёска	1	1
Старая Мілееўка	вёска	122	90
Халмы	вёска	82	65

Зноскі

1. Рашэнне выканкома Магілёўскага абласнога Савета дэпутатаў працоўных ад 22 ліпеня 1960 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1960, № 26.
2. Рашэнне выканкома Магілёўскага абласнога Савета дэпутатаў працоўных ад 4 чэрвеня 1965 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1965, № 25 (1105).
3. Насельніцтва населеных пунктаў Магілёўскай вобласці Беларусі паводле перапісу 2009 года
4. Этнічны склад насельніцтва сельсаветаў Беларусі паводле перапісу 2009 года
5. Насельніцтва населеных пунктаў Магілёўскай вобласці Беларусі паводле перапісу 2019 года