Мельнскі мір

Ме́льнскі мір 1422 года заключаны паміж Польшчай і ВКЛ, з аднаго боку, і Тэўтонскім Ордэнам, з другога, 27 верасня 1422 года над возерам каля Мельна, каля сутокаў Віслы і Асы, пасля няўдалай для Ордэна вайны, выкліканай спробамі дамагчыся ад Папы Марціна V і імператара Жыгімонта I абвяшчэння несапраўдным Таруньскага міру 1411 года. Паводле Мельнскага міру Ордэн саступіў Польшчы частку Куявіі з Няшавай і канчаткова адмаўляліся ад прэтэнзій на Жмудзь, якая паводле ўмоў Таруньскага міра мусіла быць перададзена Ордэну пасля смерці Вітаўта. Такім чынам Мельнскі мір завяршыў апошнюю вайну паміж Ордэнам і ВКЛ і канчаткова ўсталяваў мяжу паміж імі, якая праіснавала да Першай сусветнай вайны.

Мельнскі мірны дагавор
Мельнскі дагавор
Тып дагавора	Міжнародны дагавор
Дата падпісання	27 верасня 1422
Месца падпісання	Бераг возера Мельна, Польшча
Змацаванне пячаткай	30 сакавіка 1423
Увайшоў у сілу	9—18 мая 1423
Падпісалі	17 верасня 1422
Бакі	Тэўтонскі ордэн Каралеўства Польскае Вялікае Княства Літоўскае
Месца захоўвання	Тайны дзяржаўны архіў прускай культурнай спадчыны
Мова	лацінская мова

Літаратура

• Алесь Белы // Энцыклапедыя гісторыі Беларусі. У 6 т.. — Мн. : БелЭн
• Dogiel M. Codex diplomaticus Regni Poloniae et Magni Ducatus Lithuaniae. T. IV. Wilno, 1760.
• Zajączkowski S. Studia nad procesami Polski a Litwy z Zakonem krzyżackim. 1420—1423.
• Dokumenty strony polsko-litewskiej pokoju mełneńskiego z 1422 roku / wydali Przemysław Nowak i Piotr Pokora. — Poznań: Wydawnictwo Poznańskie, 2004. — XVII, [1], 99, [2] s.: fot. kolor.