Мемфіс (Тэнесі)

У паняцця ёсць і іншыя значэнні, гл. Мемфіс.

Мемфіс (англ.: Memphis) — горад у ЗША, адзін з найбуйнейшых эканамічных цэнтраў поўдня краіны. Размешчаны на паўднёвым захадзе штата Тэнесі ў акрузе Шэлбі на левым беразе ракі Місісіпі, пры ўпадзенні ў яе ракі Уолф. Па стане на 2006 год насельніцтва горада складала 670 902 чалавекі, што робіць Мемфіс самым буйным горадам штата, другім у паўднёва-ўсходнім рэгіёне, дзе саступае толькі Джэксанвілу, і 19-м у ЗША^[3].

Горад Мемфіс англ.: Memphis Сцяг[d] Краіна  ЗША Штат Тэнесі Акруга Шэлбі Каардынаты 35°07′03″ пн. ш. 89°58′16″ з. д.HGЯO Кіраўнік Paul Young[d][1] Заснаваны 1819 Плошча 763,4 км² Вышыня цэнтра 103 м Водныя аб’екты Місісіпі Насельніцтва ▼633 104 чал. (1 красавіка 2020)[2] Шчыльнасць 898,6 чал./км² Агламерацыя 1 280 533 чалавек Нацыянальны склад белыя — 30,2%, лацінаамерыканцы — 2,6%, афраамерыканцы — 63,1%, азіяты — 1,7%, карэнныя амерыканцы — 0,6%, гавайцы — 0,1%, змяшаныя росы — 2,9% Канфесійны склад баптысты, метадысты, іўдаісты Этнахаронім Мемфіец Часавы пояс CDT[d] Тэлефонны код 901 Паштовыя індэксы 77340 Афіцыйны сайт memphistn.gov (англ.) Мемфіс на карце ЗША

Медыяфайлы на Вікісховішчы

Агламерацыя Мемфіса ўключае ў сябе акрамя тых акруг, што знаходзяцца ў штаце Тэнесі, таксама і тыя, што знаходзяцца ў штатах Місісіпі і Арканзас, мае насельніцтва ў 1 280 533 чалавекі. Гэта робіць агламерацыю Мемфіса другой па велічыні ў штаце Тэнесі. Больш за яе толькі агламерацыя горада Нэшвіла.

Мемфіс самы «малады» з чатырох найбуйнейшых гарадоў штата (Ноксвіл, Чатануга і Нэшвіл). Жыхары Мемфіса называюцца мемфійцамі, а рэгіён, у якім знаходзіцца Мемфіс, — Цэнтральным Поўднем.

Гісторыя

Да прыбыцця еўрапейцаў на тэрыторыі, дзе зараз размешчаны Мемфіс, пражывала індзейскае племя чыкаса. Іспанскі даследчык Эрнанда дэ Сота і два французскія даследчыкі Рэнэ Рабер Кавалье і Сью дэ ла Сае былі першымі, хто даследаваў тэрыторыю Мемфіса^[4].

Геаграфія

Мемфіс размешчаны на паўднёвым захадзе Тэнесі. Паводле дадзеных Бюро перапісу насельніцтва ЗША, горад мае агульную плошчу 763,4 км², з якіх 723,4 км² ёсць зямля і 40,0 км² або 5,24 %, вада.

Вядомыя асобы

• Герман Кейн — амерыканскі палітык
• Арэта Франклін — амерыканская спявачка
• Гаральд Мэйберн (нар. 1936) — амерыканскі джазавы піяніст, кампазітар і выкладчык