Монс

Монс (фр.: і лац.: Mons, нідэрл.: Bergen, пікард.: Mon(t)) — горад у Бельгіі, за 50 км на паўднёвы захад ад Бруселя, адміністрацыйны цэнтр правінцыі Эно. Размешчаны на канале Самбра — Шэльда. Гістарычна вядомы як сталіца графства Эно. Насельніцтва — 99,2 тыс. жыхароў (2006).

Горад Монс Mons Сцяг[d] Герб[d] Краіна  Бельгія Рэгіён Валонія Правінцыя Эно Каардынаты 50°27′17″ пн. ш. 3°57′07″ у. д.HGЯO Мэр Эліё дзі Рупо Горад з VII стагоддзе Плошча 146,56 км² Вышыня НУМ 2 м Насельніцтва 91 200 чалавек (2006) Часавы пояс UTC+1, летам UTC+2 Тэлефонны код +32 65 Паштовы індэкс 7000-7034 Афіцыйны сайт mons.be Монс на карце Бельгіі

Медыяфайлы на Вікісховішчы

Гісторыя

Назву горад атрымаў па лагеры, які быў наладжаны тут Юліем Цэзарам, а лагер, у сваю чаргу, — па ўзгорку (лац.: Montes — «гара»), на якіх раскінуўся сучасны Монс. Паселішча на месцы цяперашняга Монса існавала яшчэ ў эпоху неаліту. Горад быў заснаваны ў VII стагоддзі.

Эканоміка

Прадпрыемствы коксахімічнай, шкло-керамічнай, цэментавай, харчовай, лёгкай (вытворчасць палатна, ваўняных і баваўняных тканін, пляценне карунак) прамысловасці; металаапрацоўка. Монс — чыгуначны вузел. Гістарычна — цэнтр каменнавугальнага басейна.

Насельніцтва

Год Колькасць 2011 92 500 2014 95 047 2018 95 299 [1]

Гарады-пабрацімы

•  Briare^[d], Францыя (1962)^[2]
•  Thoissey^[d], Францыя (1963)^[2]
•  Ван, Францыя (1952)^[2]
•  Літл-Рок, ЗША (1997)^[2]
•  Сефтан^[d], Вялікабрытанія (1964)^[2]
•  Чанша, Кітай (1998)^[2]

Славутасці

Сабор Св. Вальдэтруды

У горадзе — універсітэт, музей прыгожых мастацтваў. У Монсе шмат архітэктурных помнікаў XI—XVIII стагоддзяў:

• гатычная ратуша XV стагоддзя;
• гатычны сабор Святой Вальдэтруды, які быў пабудаваны ў 1450—1686 гадах і замяніў стары раманскі (у скарбніцы сабора — залатыя вырабы, кнігі, карціны, тканіны і скульптуры VII—XIX стагоддзяў);
• 81-метровая бефруа, збудаваная ў 1661 годзе (з’яўляецца адзінай барочнай званіцай Бельгіі, нароўні з іншымі бефруа ўключана ў Спіс Сусветнай Спадчыны ЮНЕСКА).