Мсціслаў Усеваладавіч

Мсціслаў Усеваладавіч — князь гарадзенскі ў XII стагоддзі.

Мсціслаў Усеваладавіч
Смерць	не раней за 1183
Род	Рурыкавічы
Бацька	Усеваладка
Маці	Агаф’я Уладзіміраўна[d]

Біяграфія

Сын гарадзенскага князя Усеваладкі. У 1167 годзе дапамог валынскаму князю Мсціславу Ізяславічу заняць кіеўскі сталец. У 1168 (1167?) годзе удзельнічаў у паходзе Мсціслава на полаўцаў. Пасля захопу Кіева ў 1169 годзе Андрэем Багалюбскім, Мсціслаў Усеваладавіч у 1170 годзе дапамог Мсціславу Ізяславічу на кароткі час аднавіць уладу над горадам, імаверна, хадзіў на полаўцаў, бо яго тысяцкі захоплены імі ў палон. У 1173 (1174?) годзе, напэўна, быў сярод гарадзенскіх князёў, якіх Багалюбскі прымусіў удзельнічаць у паходзе на Кіеў. Хадзіў на полаўцаў у 1183 (1184?) годзе з войскамі вялікага князя кіеўскага Святаслава Усеваладавіча.

Адны даследчыкі атаясняюць Гарадзен, якім валодаў Мсціслаў Усеваладавіч, з сучасным Гродна, другія — з Гарадной ў Столінскім раёне, трэція — лакалізуюць на Валыні.

Літаратура

• Беларуская энцыклапедыя: У 18 т. Т. 10: Малайзія — Мугаджары / Рэдкал.: Г. П. Пашкоў і інш. — Мн. : БелЭн, 2000. — Т. 10. — 544 с. — 10 000 экз. — ISBN 985-11-0035-8. — ISBN 985-11-0169-9 (т. 10).