Музей бурштыну (Калінінград)

У паняцця ёсць і іншыя значэнні, гл. Музей бурштыну.

Музе́й бурштыну знаходзіцца ў горадзе Калінінград. Адкрыўся ў 1979 годзе. Да мая 2003 года з’яўляўся філіялам Калінінградскага гісторыка-мастацкага музея. Гэта адзіны ў Расіі музей аднаго мінералу^[3].

Музей бурштыну
Лагатып
Музей бурштыну размяшчаецца ў вежы форта «Der Dona»
Заснаваны	29 снежня 1979 года
Краіна	Расія
Месцазнаходжанне	236016 г. Калінінград, плошча маршала Васілеўскага, 1
Наведвальнікі	141 500 чал. (2011)[1]
Тэлефон	[phone][2]
Праезд	усімі тыпамі транспарту да плошчы маршала Васілеўскага
Дырэктар	Таццяна Юр'еўна Суворава
Адкрыты	аўторак-нядзеля з 10:00 да 18:00 (улетку да 19:00)
ambermuseum.ru
Медыяфайлы на Вікісховішчы

Музей знаходзіцца ў гістарычным будынку (абарончай вежы «Дона»), адноўленай пасля вайны, і з’яўляецца часткай былога ўнутранага вальнага ўмацавання Кёнігсберга.

Экспазіцыі

Экспазіцыя музея размяшчаецца ў 28 залах агульнай плошчай звыш тысячы квадратных метраў.

Экспазіцыя ўключае некалькі раздзелаў:

• Паходжанне бурштыну, яго ўласцівасці
• Гісторыка-археалагічныя веды пра бурштын
• Бурштын у мастацтве XVII—XVIII стагоддзяў
• Кёнігсбергская дзяржаўная бурштынавая мануфактура
• Калінінградскі бурштынавы камбінат
• Бурштын у творчасці сучасных мастакоў

У музеі сабраны ўнікальныя кавалкі балтыйскага самацвету (самародак вагай 4 кг 280 г — самы буйны ў калекцыі Музея бурштыну), а таксама больш за дзве тысячы мастацкіх вырабаў з яго, у тым ліку і фрагменты адноўленага Бурштынавага пакоя.

У музеі маюцца дыярамы старажытнага «бурштынавага лесу» і кар’ера па здабычы бурштынаноснай «блакітнай зямлі», мноства кавалкаў (больш за тысячу)^[4] бурштыну з інклюзамі мезазойскіх раслін і жывёл, у тым ліку яшчаркі. Адлюстраваны ўвесь спектр колераў бурштыну ад белага да чорнага. Выстаўлены таксама бурштынавыя вырабы IV—V стагоддзяў нашай эры, знойдзеныя археолагамі на тэрыторыі вобласці, працы нямецкіх майстроў, перададзеныя з Аружэйнай палаты.

З 2003 года музей праводзіць конкурс вырабаў з бурштыну «Алатырь».

Зноскі

1. http://www.csr-nw.ru/files/csr/file_category_1205.pdf
2. Государственный каталог Музейного фонда Российской Федерации Праверана 17 чэрвеня 2020.

   <a href='https://wikidata.org/wiki/Track:Q69832186'></a>
3. Музеі бурштыну існуюць таксама ў літоўскай Паланзе і польскім Гданьску, невялікія экспазіцыі пры бурштынавым камбінаце ў Янтарным, у замку Мальбарк і паморскай вёсцы Янтар.
4. Калінінградскі музей бурштыну